تورکیا دێ لسەر ھێرشا خوە ل سه‌ر رۆژئاڤایێ کوردستانێ بەردەوام بیت

جڤاتا ئێمناھییا تورکیا کۆمبوو و بریار دا بەردەوامییێ بدەتە ھێرشا خوە یا ل سەر رۆژئاڤایێ کوردسانێ.
جڤاتا ئێمناھییا تورکیا شڤێدی ل دۆر ھێرشا خوە ل سەر رۆژئاڤایێ کوردستانێ کۆمبوو و پشتی کۆمبوونێ د راگەھاندنەکێ ئاشکرا کر: دێ ھێرشا ل سەر باکۆرێ رۆژھەلاتێ سوورییێ تا ب دەستخستنا ھەموو ئارمانجان بەردەوام بیت.
دیاركر ژی: ئەو ل ھیڤییێ نە ئالییێن رێککەفتنا دەڤەرا ئارام ب زووترین دەم یەپەگێ ژ تەلرەفعەت و منبجێ دەربێخن.
ھێرشێن سوپایێ تورکیا و میلیشیایێن سووریێ یێن ب سەر وان ڤه‌ ل رۆژئاڤایێ کوردستانێ بەردەوامن، ل گۆری ئاگەھییان ژبەر ھێرشان 300 ھزار کەس ب نەچاری ئاوارە و پەنابەر بووینە ب سەدان سڤیل و شەرڤانێن ھێزێن سووریا دیمۆکرات ھەسەدێ ژی شەھیدبووینە.