نڤێسینگه‌ها پاسه‌پورتان ل زاخۆ هاته ڤه‌كرن و مزگینیا ڤه‌ركرنا رێڤه‌به‌ریه‌كا دیتر ژى هاته دان
عه‌لى حاجى :
ئه‌ڤرۆ ب ئاماده‌بونا وه‌زیرێ ناڤخویێ حكومه‌تا هه‌رێما كوردستانێ رێبه‌ر ئه‌حمه‌د و پارێزگه‌رێ دهوكێ و چه‌ندین به‌رپرسێن ده‌ڤه‌رێ سه‌ره‌دانا باژێرێ زاخۆ و نڤێسینگه‌ها پاسه‌پورتێن زاخۆ هاته ڤه‌كرن و ئێكه‌م پاسه‌پورت ب هاولاتیه‌كێ زاخۆ هاته دان.
دكونگره‌یه‌كێ روژنامڤه‌ڤانى رێبه‌ر ئه‌حمه‌د وه‌زیرێ ناڤخو دیار كر سه‌ره‌دنامه بۆ باژێرێ ژبو ڤه‌كرنا نڤێسینگه‌ها پاسه‌پورتێن زاخۆ بوو و ئه‌م كه‌یڤ خوه‌شین ڤێ خزمه‌تگوزاریێ ژ پارێزگه‌هێ ڤه‌گوهێزینه قه‌زا زاخۆ،ل دووڤ سیاسه‌تا گشتى یا كابینا نوو و ل دووڤ راسپارده‌یا به‌رێز مه‌سرور بارزانى سه‌روكێ حكومه‌تێ كو هه‌ژماره‌كا خزمه‌تگوزاریان ژ سه‌نته‌رێ پارێزگه‌هێ بۆ قه‌زایان ڤه‌گوهێزین و ئه‌ڤ پروسه‌یه هاتیه ده‌ست پێكرن و ئه‌ڤ چه‌نده دێ ل دووڤ شیانان هێته ئه‌نجام دان،ل به‌ریا ده‌مه‌كێ خزمه‌تگوزاریێن پولیسان هات بوو زاخۆ و ئه‌ڤرۆ نڤێسینگه‌ها پاسه‌پورتان و ل ده‌مه‌كێ نێزیك ژى دا وه‌كو موزیگینى دێ رێڤه‌به‌ریا نیشته‌جێ بونێ ل زاخۆ هێته ڤه‌كرن و دده‌مه‌كێ نێزیك دا ئه‌ڤ رێڤه‌به‌رى یه ده‌ست ب كار بیت ژبه‌ر كو قه‌زا زاخۆ ده‌ڤه‌ره‌كا سنورى یه و هاتن وچ وونه‌كا زور یا ل سه‌ر هه‌ى ژبه‌ر كو پێدڤى یه كا زوره ل زاخۆ بهێته ڤرن داكو هاولاتیێ مه و بیانى مفا ژ وان خزمه‌تگوزاریان ببینیت.
و گوت ژى : ئیداره‌یا پارێزگه‌ها دهوكێ ب تایبه‌تى ژى پارێزگه‌رێ دهوكێ هاریكار بوو بۆ ڤه‌كرنا نڤێسینگه‌ها پاسه‌پورتان ل زاخۆ و سوپاسیا حكومه‌تا عێراقێ ژى دكه‌م كو راستى تیما وان هاریكار بون بۆ ڤه‌كرنا ڤێ نڤیسینگه‌هێ و هه‌ر ئه‌ڤرۆ ژى ئێكه‌م پاسه‌پورتێ دێ راده‌ستى خودانێ وێ كه‌ین .
ئه‌و چه‌نده ژى گوت: حكومه‌تێ پلان هه‌یه ب شێوه‌یه‌كێ گشتى سه‌خبێریا وان ئاڤاهیان بكه‌ت كو پێدڤى ب نووژه‌نكرنێ بن به‌لێ نوكه كوردستان د بارودوخه‌كێ نه‌خوه‌شێ ماددى دا ده‌رباز دبیت و نوكه به‌ره‌ڤ باشتر ڤه دچیت و هه‌ره‌ده‌ما پاره‌یه‌كێ پێدڤى ل به‌ر ده‌ست هه‌بیت دا كو بهێته دروست كرن و بۆ زانینا ئاریشه‌یان مه كومبونه‌ك دگه‌ل هه‌مى قایممقامێن پارێزگه‌ها دهوكێ كرى یه و هه‌مى ئه‌و ئاریشه هاته به‌حس كرن و دێ ژلایێ خوه بۆ حكومه‌تێ بلند كه‌ین .
