گه‌را 82ێ یا پێگه‌هاندنێ ل كولیژا سه‌ربازى یا زاخۆ ب دوماهى هات
عه‌لى حاجى :
ئه‌ڤرۆ ل روژا سێ شه‌مبێ رێكه‌ڤتى 31/12/2019 ل كولیژا سه‌ربازى یا زاخۆ خولا 82 یا پێگه‌هاندنێ سه‌ر ب وه‌زاه‌رتا ناڤخویا عێراقێ ب پشكداریا 462 سه‌ربازان ب دوماهى هات ئه‌وا بۆ ماوه‌یێ شه‌ش هه‌یڤان یا به‌رده‌وام بوویى .
مقه‌ده‌م كوڤان عامر ژ كولیژا سه‌ربازى یا دووێ ل زاخۆ بۆ سایتێ لقا 8 گوت : ب ئاماده‌بونا نوونه‌رێ سه‌روك ئه‌ركانێن سوپایێ عێراقێ و چه‌ند به‌رپرسه‌كێن كوردستانێ و عێراقێ د رێ و ره‌سمه‌كێ تایبه‌ت دا 462 سه‌ربازێن سه‌ر ب وه‌زاره‌تا ناڤخویا عێراقێ ژ ده‌رچوویێن كولیژێن مه‌ده‌نى خولا 82 یا پێگه‌هاندنێ ب دوماهى هات كو پشتى ماوه‌یێ شه‌ش هه‌یڤان ب شێوه‌یه‌كێ پراكتیكى و تیورى وانه‌یێن زانستێن زانستێ سه‌بازى ل كولیژا سه‌ربازى یا دووێ ل زاخۆ وه‌رگرتین و پشتى ب دوماهى هاتنا خولێ ژى پله‌یا میلازم ب پشكدار بویێن خولێ هاته دان .
گوت ژى : پێشتر ئه‌ڤ كه‌سه وه‌كو سه‌رباز دناڤ سوپایێ عێراقێ دا بوون و ئێدى دێ وه‌كو ئه‌ڤسه‌رێن هه‌میشه‌یى ل سه‌ر ئه‌ركێ خوه به‌رده‌وام بن و پشكه‌كا پشكدار بویێن خولێ كورد بون به‌لێ پرانیا وان عه‌ره‌ب بون .
