رێ و ره‌سمێن هونه‌رمه‌ندێ وه‌غه‌ركرى شه‌عبان دوسكى ل زاخۆهێته گێران
زاخۆ،عه‌لى حاجى :
به‌رپرسێ نڤێسینگه‌ها زاخۆ یا سه‌ندیكا هونه‌رمه‌ندێن كوردستانێ د دیداره‌كێ دا بۆ روژناما ئه‌ڤرۆ دیار كر د ڤێ حه‌فتیێ دا دێ سالڤه‌گه‌را هونه‌رمه‌ند شه‌عبان دوسكى هێته گێران و هه‌تا نوكه به‌رهه‌ڤیێن باش بۆ وان رێ و ره‌سمان هاتینه ئه‌نجامدان .
زێده‌تر مه‌هدى مونیر گوت : پشتى ده‌مه‌كێ دژوار دگه‌ل نه‌خوه‌شیا خوه بوراندى و ل رێكه‌ڤتى 10/2/2019 شه‌عبان دوسكى گیانێ خوه ژده‌ست دا بوو،وه‌كو نڤێسینگه‌ها زاخۆ یا سه‌ندیكا هونه‌رمه‌ندێن كوردستانێ دێ و ره‌سمه‌كێ تایبه‌ت ب هه‌لكه‌ڤتا بورینا ساله‌كێ ل سه‌ر وه‌غه‌ركرنا هونه‌رمه‌ندێ ناڤهاتى ل روژا دو شه‌مبێ رێكه‌ڤتى 10/2/2020 ل باژێرێ زاخۆ ل هێته گێران و به‌رهه‌ڤى هاتیه كرن بۆ ساخكرنا سالڤه‌گه‌رێ و بریاره د وان رێ و ره‌سمان دا په‌نه‌له‌كا تایبه‌ت و دیكیومێنته‌ك ل سه‌ر ژیانا شه‌عبان دوسكى بهێته پێشكێش كرن .
و گوت ژى : ژبه‌ر كو شه‌عبان دوكسى ژ وان هونه‌رمه‌ندانبوو یێ خودان هونه‌ره‌كێ زه‌نگین و خزموته‌كا باش د بیاڤێ ئه‌كته‌ریا دراما و سینه‌ما و شانویێ كرى یه و زێده‌بارى وێ چه‌ندێ چه‌ندین كارێن دیتر د بیاڤێن هونه‌رى دا ئه‌نجام داینه هه‌مى به‌رهه‌ڤى هاتینه كرن كو رێ و ره‌سمه‌كێ ژهه‌ژى بهێته گێران و هه‌ر دیسان ئه‌م دخازین زێده‌تر كار بۆ خوه‌شكرنا ژیانا خێزانا وى هونه‌رمه‌ندێ وه‌غه‌ر كرى و هه‌مى هونه‌رمه‌ندان ل زاخۆ بهێته كرن .
