د چارچووڤێ سه‌ره‌دانێن خوه‌دا بو باره‌گایێن حزبى ل سنورێ پارێزگه‌ها دهوكێ،
فازل میرانى سكرتێرێ مه‌كته‌با سیاسیا پارتى دیموكراتى كوردستان سه‌ره‌دانا لقێ هه‌شت ل باژێرێ زاخو كر و ژلایێ دكتور عه‌لى ته‌ته‌ر به‌رپرسێ لقێ و ستافێ كارگێریێ ڤه هاته پێشوازیكرن، د روینشتنه‌كێ دا سكرتێرى مه‌كته‌با سیاسیا پارتى دگه‌ل به‌رپرس و كارگێرێن لقێ هه‌شت كومبوو و ره‌وشا سیاسى یا هه‌رێما كوردستانێ و داوى پێشهاتێن سیاسى به‌حسكرن، پاشى د كونگره‌یه‌كێ روژنامه‌ڤانى دا رولێ پێشچاڤێ پێشمه‌رگه و كادرێن باژێرێ زاخو بلند وه‌سفكر و دوپاتى ل گوتنێن جه‌نابێ سه‌روك مه‌سعود بارزانى كر كو ده‌رباره‌یى زاخو و خه‌للكێ وێ یێ قاره‌مان گوتین، پاشى سكرتێرێ مه‌كته‌با سیاسیا پارتى به‌حسى گوتگوت و سیاسه‌تا میدیایى ل هه‌رێما كوردستانێ كر و گوت، دڤێت سیاسه‌تا راگه‌هاندنێ جووت بت دگه‌ل سیاسه‌تا و به‌رژه‌وه‌ندیا نه‌ته‌وایه‌تى ونابت ئه‌وله‌ویه‌تیێ بده‌نه ئیستیباقه‌كا میدیایى ل سه‌ر بنیاتێ به‌رژه‌وه‌ندیا مللى یان به‌رژه‌وه‌ندیا هه‌رێما كوردستانێ، هه‌روه‌سا ئاشكه‌را كر كو پارتى بریارا خوه دایه دئه‌ڤ ساله‌دا كونگرێ خوه یێ نوى گرێدت، پاشى به‌حسێ هه‌لبژارتنا مسته‌فا كازمى سه‌روك وه‌زیرێن نوى یێ عیراقێ كر كو شانسه‌كێ باش هه‌بیه ئه‌مریكا و ئیرانێ و وه‌لاتێن عه‌ره‌بى و شیعه و سوننه و كوردان پشته‌ڤانیا وى كریه و به‌رنامێ وى ژى به‌رنامه‌یه‌كێ باشه بگشتى بو عیراقێ و هه‌رێما كوردستانێ.
