بزاڤا گوران په‌یامه‌كا پیروزباهیێ ئاراسته‌یى پارتى كر

محه‌مه‌دسدیق
بهه‌لكه‌فتا حه‌فتێ و چار سالیا دامه‌زراندنا پارتى دیموكراتى كوردستان، سه‌ركردایه‌تیا بزاڤا گوران ل هه‌رێما كوردستانێ په‌یامه‌كا پیروزباهیێ ئاراسته‌یى پارتى كر و ئه‌ڤه‌ ژى ده‌قێ وێ یه‌:
به‌رێز، مه‌كته‌با سیاسیا پارتى دیموكراتى كوردستان
بهه‌لكه‌فتا بیره‌وه‌ریا دامه‌زراندنا پارتى دیموكراتى كوردستان، پیروزباهیه‌كا گه‌رم ل به‌رێز سه‌روكێ پارتى و به‌رێزان ئه‌ندامێن جڤاتا سه‌ركردایه‌تیێ و سه‌رجه‌م ئه‌ندامێن هه‌وه‌ دكین، ئه‌ڤ بیره‌وه‌ریه‌ هه‌ڤده‌مه‌ دگه‌ل كومه‌كا قه‌یرانێن سیاسى و دارایى و ئه‌منى كو یاخه‌یا هه‌رێمێ و هاولاتیێن وێ گرتیه‌، ئه‌ڤێ چه‌ندێ ژى ئه‌ركه‌كێ بله‌ز ئێخستیه‌ سه‌ر ملێن سه‌رجه‌م هێزێن سیاسى پێخه‌مه‌ت دانوستاندن و راوێژ و روینشتنان بو ڤه‌دیتنا رێگه‌چاره‌یه‌كى گونجاى و ده‌ربازبوون ژڤێ ته‌نگه‌ژێ و پاراستنا ده‌ستكه‌فتان و هاڤێتنا پێنگاڤان به‌ره‌ڤ ئایینده‌یه‌كێ باشتر بو گه‌لێ مه‌ و كاركرن ب ئاراسته‌یا رێككه‌فتنا گشتگیر ل سه‌ر بنه‌مایێ ده‌ستوور و به‌رژوه‌ندیێن مه‌زن دگه‌ل حكومه‌تا عیراقێ. بو ڤان مه‌ره‌مان ئه‌نجامدانا كومبوونه‌كا سێ قولى و به‌رفره‌هـ ب رێیه‌كا گونجاى دزانین. د ڤێ بیره‌وه‌ریێ دا ب پێدڤى دزانین جاره‌كا دیتر دوپاتیێ ل سه‌ر بله‌زكرنا پێنگاڤێن ب كریارێن چاكسازیا راسته‌قینه‌ ل هه‌رێما كوردستانێ بكینه‌ڤه‌، ب ره‌نگه‌كێ ئه‌و پێنگاڤ به‌رسڤده‌را پێدڤیێن یا خه‌لكێ و ده‌ربازكرنا قه‌یرانا دارایى و چاره‌سه‌ركرنا كێشه‌یێن بنه‌ره‌تى و بهێزكرنا سازیێن شه‌رعى بت، ب ئاراسته‌یا سه‌پاندنا ده‌ستهه‌لاتا حكومه‌تا هه‌رێمێ و سازیان ب سه‌ر سه‌رجه‌م داهاتێن ناڤخوه‌یى دا.
بزاڤا گوران، هه‌ژده‌یى ته‌باخا دووهه‌زار و بیستێ