به‌رپرسێ لقێ8 پێشوازى ل وه‌زیرێ ساخله‌میا هه‌رێمێ كر

حه‌مه‌دسدیق
هه‌ر ئه‌ڤرو ئه‌ندامێ جڤاتا سه‌ركردایه‌تیێ و به‌رپرسێ لقێ هه‌شت یا پارتى پێشوازى ل دكتور سامان به‌رزنجى وه‌زیرێ ساخله‌میا حكومه‌تا هه‌رێما كوردستانێ كر، وه‌زیرێ ساخله‌میێ بمه‌ره‌ما گه‌هاندنا پیروزباهیێن بیره‌وه‌ریا حه‌فتێ و چار سالیا دامه‌زراندنا پارتى دیموكراتى كوردستان سه‌ره‌دانا لقێ هه‌شت كر و هیڤیا به‌رده‌وامبوون و ته‌مه‌نێ درێژ ژى بو پارتیێ خواست، ژلایێ خوه‌ڤه‌ عه‌لى عه‌ونى به‌رپرسێ لقێ هه‌شت ب گه‌رمى بخێرهاتنا وه‌زیرێ ساخله‌میێ كر و سوپاسیێن خوه‌ ئاراسته‌ كرن ژبه‌ر سه‌ره‌دانا وى بو باره‌گایێ لقێ. د روینشتنه‌كێ دا ب كورتى ل سه‌ر ره‌وشا ساخله‌میێ و بتایبه‌ت ل باژێرێ زاخو ئاخفتن و ته‌كه‌زى ژى ل خوه‌پاراستنێ و جێبه‌جێكرنا رێنمایێن ساخله‌میێ ڤه‌ كرن