نووچه
عیراق..كومسیون داخوازا 300 ملیون دولاران بو هه‌لبژارتنێن پێشوه‌خت دكت
محه‌مه‌دسدیق
حسێن هنداوى شیره‌تكارێ سه‌روك وه‌زیرێن عیراقێ بو هه‌لبژارتنان راگه‌هاند، كومسیونا هه‌لبژارتنان داخوازا سێسه‌د ملیون دولاران كریه بو ئه‌نجامدانا هه‌لبژارتنێن پێشوه‌خت، به‌لێ مسته‌فا كازمى داخوازا كێمكرنا وى بره پاره‌یى كریه سه‌د ملیون دولاران و كێمتر. مسته‌فا كازمى سه‌روك وه‌زیرێن عیراقێ پێشتر داخواز ژ كومسیونا بلندا سه‌ربه‌خوه‌یا هه‌لبژارتنێن عیراقێ كربوو وى بره پاره‌یى پێدڤى دیار بكن بو كو پروسه‌یا هه‌لبژارتنان ب رێك و پێكى و زه‌لالى بهێته كرن. ب گوتنا شیره‌تكارێ كازمى ژبو كاروبارێن هه‌لبژارتنان، ئه‌و پاره‌یێن هاتینه داخوازكرن زێده‌ره‌وى تێدایه ونابت دنوكه دا و دناڤ ره‌وشه‌كا قه‌یرانى دا ئه‌و پاره‌یه بهێته دابینكرن
