بەرێز عەلی عەونی سەرەدانا ھەر ئێک ژ رێکخراوێن دێرەبوون، سنوور، بزاڤ، بارزان و ھێز کرن
د چارچووڤێ بەرنامێ ھاتیە دارشتن ژلایێ نڤیسینگەھا رێکخستنا لقێ٨ ڤە بو رێکخراوێن دکەڤنە سنوورێ وان، ئەڤرو ب ئامادەبوونا بەرێز عەلی عەونی ئەندامێ جڤاتا سەرکردایەتی و بەرپرسێ لقێ٨ یێ پارتی دیموکراتی کوردستان و دگەلدا بەرپرسێ نڤیسینگەھا رێکخستنێ و بەرپرسێ لیژنا ناوچا رزگاری، سەرەدانا ھەر ئێک ژ رێکخراوێن دێرەبوون، سنوور، بزاڤ، بارزان و ھێز کرن.د کومبوونێن جودا جودا دگەل ستاف و بنگە و رێکخراوێن ناڤبری، بەرپرسێ لقێ کورتیەک دا سەر رەوشا عیراقێ بگشتی و ھەرێما کوردستانێ ب تایبەتی و دوماھی پێشھاتێن سیاسی و ئەمنی ل دەڤەرێ بو ئامادەبوویان زەلال کرن، پاشی روناھی ئێخستە سەر رێکخستنا پارتی دیموکراتی کوردستان ل وێ دەڤەرێ و ڤەدیتنا رێکێن گونجایی ژ بو پێشڤەبرنا رەوشا رێکخستنێ و ھاریکاریێن بەردەوام تەکەزی ل سەرکر.د تەوەرەکێ دیتر یێ کومبوونێن خوەدا بەرێز عەلی عەونی ل سەر چەندین بابەت و کێشەیان ئاگەھدار بوو و دانوستاندن ژی لدور ڤەدیتنا چارەسەریان ھاتە کرن.
