درێورەسمێن ڤەشارتنا جەنازێ حەسەن شێخ مستەفا ، بەرپرسێ لقێ ھەشت پەیڤەک پێشکێشکر
ب ئامادەبوونا بەرێز عەلی عەونی ئەندامێ جڤاتا سەرکردایەتی و بەرپرسێ لقێ ھەشت یا پارتی دیموکراتی کوردستان و ھەژمارەکا بەرپرسێن حزبی و حکومی و لەشکەری و خەلکێ دەڤەرێ، درێورەسمەکێ تایبەت دا جەنازێ پێشمەرگێ ھەردوو شورەشێن ئەیلول و گولانێ و ھەلگرێ میدالیا بارزانیێ نەمر خودێ ژێ رازی حەسەن شێخ مستەفا ل گورستانا تلکەبەرێ ھاتە ڤەشارتن. پێشمەرگێ وەغەرکری حەسەن شێخ مستەفا ژبلی پێشمەرگەیەکێ دێرین و ھەلگرێ میدالیا بارزانیێ نەمر بوو، بەلکو کەسایەتیەکێ بەرنیاسێ دەڤەرا زاخو بوو، مروڤەکێ روح سڤک و پاقژ و نشتیمانپەروەر بوو، د روژانێن سەخت و دژواردا بەرھەنگاری ھەمی ھێرشێن دوژمنێن گەلێ کوردستانێ بوویە، ب ژ دەستدانا وی خەلکێ دەڤەرا زاخو و سەرکردایەتیا پارتی ل دەڤەرێ ب خوسارەتیەکا مەزن بناڤ دکن. ھەر درێورەسمێن ڤەشارتنا جەنازێ وی دا، بەرپرسێ لقێ ھەشت یا پارتی پەیڤەک پێشکێشکر و ئاماژە ب رولێ کارا یێ خودێ ژێ رازی حەسەن شێخ مستەفا د شورەشێن ئەیلول و گولان و سەرھلدان و شەرێ دژی تیروریستێن داعشێ دا کر.
