پ ک ک شنگال فرۆشت…
تشتەکێ سەیر و سوسرەتە پ ک ک ئامادەی داگێران و رێککەفتنێیە دگەل ھەموو داگیرکەرێن کوردستانێ و ھەر ھێزەکا ناکوردستانی. تنێ لھەمبەر ھێزێن کوردستانی و حکومەتا ھەرێما کوردستانێ دڕ و نەپێگیرن .شکەستێن خۆ ب نرخا سەرکەفتن و قەھرەمانیێ دفرۆشنە کوردستانیان. دەمێ پێشمەرگە ل شنگالێ شکەست ( د ھەموو شەڕەکیدا شکەستن و سەرکەفتن ھەیە )، زوڕنایا راگەھاندنا وان لشوینا کرێت کرنا داعش و حەشدا وەحشی ، کەفتنە سەر پشتا پێشمەرگەی و حکومەتا کوردستانێ . سەدان جار گۆتن پارتیێ شنگال فرۆت ، پێشمەرگە ترسنۆکن و . . .لێ ئەگەر وان عەفرینا رەنگین پێشکەشی جەندرمەیێن فاشیستێن تورکان کر ئەو دڤێت کوردستانی پێکڤە دەستان بۆ وان بقوتن . ئەگەر سەرێ کانیێ تەسلیمی تورکان کرن ئەڤە کریارەکا قەھرەمانییە و دڤێت پێکڤە مەتحەکارێ پ ک ک بین و سترانان ب بەژن و بالا وان بێژین . ئەگەر کۆبانی دانە داعشێ دڤێت بێژینە ئاپۆچییان وە کارەکێ پڕ مەزن و ھێژا کرییە . ھەموو باکورێ کوردستانێ ھێشتینە و بووینە سەرگێژی بۆ رۆژھەڵات و باشور و رۆژاڤایێ کوردستانێ . کەسەکێ ژی ماف نینە بێژیتە وان ھون چما شەڕێ تورکان ناکەن ؟ئەڤە بوونە چار ساڵ ئەم ھاوار دکەین شنگالێ چول بکەن ، لشوینا گوھداری کرنێ، گەفان لمە دکەن . مە دگۆتێ ھێزێن خۆ ڤەکشینن بۆ سەر سنور و ناڤ تورکیا ، گوھداری نەدکرن . نھۆ ل شوینا کو دڤیا بوو ھێزا پێشمەرگەی لێ ھەبیت مخابن ھەموو ئەو جھ دانە دەستێ جەندرمە و چەتەیێن تورکان. ئەرێ بۆ کوردان و بۆ پ ک ک باشتر بوو ھێزا پێشمەرگەی لێ بیت یان لەشکەرێ تورکان ؟ئەرێ ئەگەر پ ک ک ب ھێمنی و ئاشتیانە ژ شنگالێ دەرکەفتبان و دگەل ھێزا پێشمەرگەی رێککەفتبان چێتر بوو یان ژی شنگالێ بدەتە دەستێ سوپایێ عەرەبێ عێراقێ. پێویست بوو چاوا ھێزا پێشمەرگەی پشتی رزگار کرنا کۆبانیێ ، باژێر رادەستی خەلکێ و چەکدارێن ی پ گ کر ، پ ک ک ژی ئاقل ئاقل شنگال ڤەگەڕاندبا بۆ خودانێن وێ.ئەڤا پ ک ک نھۆ دکەت ھەم ترسنۆکیە و ھەم فرۆشتنە و ھەم بێڕێزییە ب داخوازی و ھەوڵێن حکومەتا ھەرێما کوردستانێ.نھۆ ھیچ جوامێرییەکا پ ک ک تێدا نینە.
