ل زاخو رۆژا ئالایێ کوردستانێ هاتە پیرۆز کرن

ب ئاماده‌بینا به‌رێز عه‌لى عه‌ونى روژا ئالایێ كوردستانێ هاته‌ ل بیرئینانئه‌ڤرو به‌رێز عه‌لى عه‌ونى ئه‌ندامێ سه‌ركردایه‌تى و به‌رپرسێ لقێ هه‌شتێ پارتى دیموكراتى كوردستان، ب به‌رهه‌ڤبینا بوتان محسن هه‌رێمدارێ زاخو و چه‌ندین به‌رپرسێن حزبى و حكومى، رێوره‌سمێن تایبه‌ت ب روژا ئالایێ كوردستانێ ڤه‌ هاتنه‌ ئه‌نجام دان، د ئێته‌ زانین ژى كو ئه‌ڤ چالاكیه‌ د چوارچوڤێ نڤیسینگه‌ها زاخو یا پاراستنا ئالایێ كوردستانێ دا هاته‌ كرن، و د په‌یامه‌كێ ده به‌رێز‌ به‌رپرسێ لقێ هه‌شتێ پارتى گوت، په‌رله‌مانێ كوردستانێ ل هه‌ڤده‌یى كانینا ئێكێ یا سالا هه‌زار و نه‌هسه‌د و نوت و نه‌هێ ئه‌ڤ روژه‌ وه‌ك روژا ئالایێ كوردستانێ ل هه‌مى ساله‌كێ ده‌ست نیشان كریه‌، ئه‌ڤه‌ هێمایێ سه‌رفرازیا مه‌یه‌ و ب شانازیڤه‌ ئه‌م ل ژێر سیبه‌را وێ نه‌ و به‌رێز عه‌لى عه‌ونى گوت ژى، راوه‌ستیان نینه‌ هه‌تا ئه‌م د گه‌هن وێ ئارمانجا كو خوین بو هاتیه‌ رشتن و ئه‌ڤ ئالایه‌ ل كوما گه‌لان دئێته‌ بلند كرن