ئه‌و بریارێن ژ (برسا) تێن دان..؟!
مێژو یا پره ژ سه‌رهاتێن جه‌رك بر ژ شه‌را و كوشتنێ.بریارا شه‌رى وه‌ختا دهێه دان.تازه سیاسى بو ل هنده‌ك سه‌رده‌مێن لوژیكى و به‌رئاقل دگه‌رهن.بریارا شه‌رى ژ ناخه‌ك ئالوز سه‌رجاڤه دگریت.سه‌ده‌مێن به‌رئاقل بو هیج شه‌ره‌كێ نینن.لێ ره‌نگێ شه‌رى هنده‌ك پرسێن دى دئافرینیت.شه‌رێ ب ئاگرى و ئاسنى.كه‌ڤنه بو كه‌ڤنیا مروڤا و هه‌ر وه‌سا وه‌ك ده‌رهاڤێژتا شه‌رى.شه‌رى برسیكرنێ یه كو بو سه‌رده‌مێن كه‌ڤن و چه‌رێ ناڤین دزڤریت و تانوكه ژى وه‌ك ئالاڤه‌ك بو هنده‌ك كه‌فتنا یان هنده‌ك (تنازلاتا) تێته بكار ئینان لێ نوكه ب ناڤێ(نه‌ته‌وه‌ێن ئێكگرتى) و سازێن جودا جودا تێنه كرن.لێ مێژو وه‌سا دیار دكه‌تن كارێگه‌رترین شه‌ر و ب باندور ترین جه‌ك برسیكرنه بو شكاندن و هه‌رس پێكرنا زوره‌كا مله‌تان بو ینه قوربانى.نه‌ك ژ نه‌زانینا خوه یان ژ خیانه‌ت و عه‌والیا خوه نه‌ك ژ بێ مورالیا خوه.بتنێ ژ برسا ؟! ئانكو وه‌ختا مروڤى نه‌یاره‌كێ وه‌سا هه‌بیت هه‌مى ره‌نگێ جه‌كى ب كاربینیت .ره‌نگڤه‌دانا وێ لسه‌ر لایه‌نێ لاواز راسته دوم درێژ باندورێ دكه‌تن لێ قه‌ت ئه‌و بریار و تنازلێن ژ برسا دا كرین.ئانكویا وێ ئه‌و نینه ئه‌و ل لایێ هه‌لیێ دولاینه‌یا شه‌رى بویه.دورپێجكرنا مله‌تان ب برسیكرنێ دنوكه دا بو هنده‌ك مه‌رامێن سیاسى یان بو لادانێ ژ بنه‌كوكا پرسێ.هه‌تا سه‌رى نه‌خاریه.هه‌مى ئه‌وروپى رێكه‌فتن پشتى جه‌نگا جیهانیا ئێكێ ئه‌لمانیا سزا بده‌ن ب برسیكرنێ و بێ بهاكرنا ئابورێ ئه‌لمانیا.لێ سه‌ر ئه‌نجام (نازى) ئافرین وه‌ك ئاگرى به‌ربون گیانێ جیهانێ.بوكوردستانێ ئابلوقه و برسیكرن تشته‌كێ نوى نینه ئه‌ڤا عێراق بوى ده‌وله‌ت تانوكه كوردستان د بازنێ ئابلوقێ دایه ئه‌ف جه‌ند سالێن دوماهیكێ نه‌بن.لێ ئه‌وژى لبن گڤاشتنا جڤاكێ نێف ده‌وله‌تى دا یه.بكورتى یا نوكه عێراق دكه‌تن ب نه‌فه‌سه‌ك نه‌ژادپه‌رستى و مه‌زهه‌بى دكه‌تن بو لاواز كرنا كوردستانێ یه.ئه‌گه‌ر جى ل كوردستانێ ژى تێرا خوه عه‌یبى و گه‌نده‌لى و پرسێن ژڤى ره‌نگى هه‌نه وه‌ك ل هه‌مى جیهانێ هه‌ین.ده‌ست برن بو نانێ خه‌لكێ ب ئاشكرا.ه‌ڤه بریاره‌كا پێِش وه‌خت و ڤه‌خاندیه هیج په‌یوه‌ندێه‌ك ب یاسا ده‌ستورا ڤه نینه,نه بو كوردستانێ بو هه‌ر جهه‌كێ ڤێ جیهانێ سیاسى نانى وه‌ك جه‌ك بكار بینن ,ئه‌ڤه داوه‌شینه‌كا ره‌وشیه و لاوازیه‌كا مه‌زنه بو سیاسیا وه‌ختا ڤێ كارتێ ژ لاوازیا هێزا یاسیا و ده‌ستورى وه‌ك شینگر بكار بینن.دبیت هنده‌ك مله‌ت هه‌بن خالا وازا وان جگرافیا وان بیت.لێ هیج مله‌ته‌ك ژى بو ده‌مه‌ك درێژ ژ ئه‌نجامێ شه‌رێ دورایێ خودا ژ برسا دا,هه‌تاهه‌تا رازى نابیت نه خاسم ده‌ما تێربیت.ئانكو عێراق ره‌نگه بشێت ژ برسا دا هنده‌ك پرسا قازانج كه‌ت لێ قه‌ت كوردا وه‌ك مله‌ت قازانج ناكه‌تن.برسیكرن سیاسه‌ته‌كا كه‌ڤنا عێراقێ یه و تانوكه ئه‌نجام ئه‌و نه‌بویه یا دڤیا ئه‌وه كورد دستبه‌ردارێ خاك و شوناس و شانازىا خوه بیت,سه‌رده‌مێ پادشاهى تانوكه ب قه‌بارێن جودا جودا كوردستان برسیكریه,ئه‌رێ فیجارێ دێ بو جیته سه‌ر؟؟
