به‌رپرسێ لقێ هه‌شتێ پارتى دیموكراتى كوردستان سه‌ره‌دانا لقێ زاخو یێ ئێكه‌تییا زانایێن ئاینێ ئیسلامێ كرن

به‌رێز عه‌لى عه‌ونى ئه‌ندامێ سه‌ركردایه‌تیێ و به‌رپرسێ لقێ هه‌شتێ پارتى دیموكراتى كوردستان، و دگه‌لدا شانده‌كێ كارگێریا لقێ هه‌شت سه‌ره‌دانا لقێ زاخو یێ ئێكه‌تییا زانایێن ئاینێ ئیسلامێ كرن، و د دیداره‌كێ ده‌ د گه‌ل شێخ مه‌مدوح به‌رپرسێ لقێ زانایێن زاخو ده‌، به‌رێز عه‌لى عه‌ونى ئاماژه‌ ب رولێ زانایێن ئاینێ ئیسلامێ كرن د شوره‌ش و سه‌رهلدانێن ئێك ل دویڤ ئێكێن گه‌لێ كوردستانێ، هه‌روه‌سا رولێ وان د ناڤ جڤاكى ده‌ بو بلندكرنا گیانێ پێكڤه‌ژیان و برایه‌تیێ ژى گرنگ وه‌سف كر، و ژلایێ خوه‌ ڤه‌ ئێكه‌تییا زانایان سوپاسیێن خوه‌ ئاراسته‌یى به‌رێز عه‌لى عه‌ونى كرن، و به‌رێز به‌رپرسێ لقێ ژى پشته‌ڤانیا خوه‌ نیشاندا بو هه‌ر كار و كریاره‌كا ب كه‌ڤت به‌رێ وان ل پێناڤ بلندكرنا ئاستێ پێكڤه‌ژیان و برایه‌تییا ئولى ل ده‌ڤه‌رێ