جیاوازیا گەندەڵیێ …
پسپۆڕێن کەمپێن بازی و وارێ خۆنیشاندان و مانگرتنێ ل باژێرێ سلێمانیێ و تمبڵک لێدەر و بتڵ ھاڤێژێن ناڤ پەرلەمانێ کوردستانێ دبێژن : ئەگەر دوو کۆترباز ل ھەولێرێ ب شەڕ بکەڤن ، پێویستە ئەم کەمپێنا ( کوا کۆترەکەم ) رێک بێخین .دبێژن : ئەگەر مامۆستایەک ل ھەولێرێ زلەھەک ڤێکەفت پێدڤییە پۆستەران بۆ چێکەن و کەمپێنا ( بۆچی لێم دەدەی ) ساز بکەین .ئەگەر داخواز ھاتە کرن پارێزبەندی ژ سەر ئەندام پەرلەمانەکی کۆمەڵێ رابیت ، مادام گرێدای ھەولێرێ یە پێدڤییە بایکۆتا پەرلەمانی بکەین .لێ ئەگەر ل سلێمانیێ جووتکان ل پشتا کادیرێن پارتی بدەن ، بارەگایێن پارتیێ بسۆژن و تاڵانێ بکەن ، ئەڤە تشتەکێ ئاساییە و پێدڤی ناکەت خۆ لێڤێ ل لێڤێ ژی بدەن .ئەگەر ل سلێمانیێ داخوازا ھلگرتنا پارێزبەندیێ ژ سەر دوو پەرلەمانتارێن گۆڕانێ بھێتە کرن ، مادام لسەر داخوازا دەسەڵاتا سلێمانیێ یە ، پێدڤی ب لەفەیێن فیتفیتۆک وتمبڵک لێدان و بتڵ ھاڤێژتنێ و بایکۆتێ ناکەت .ئەگەر راپۆرتێن عەلیێ حەمە ساڵحی یێن لسەر گەندەڵیێن دەرگەھێن باشماخ و جھێن دی ، لسەر ئیبراھیم خەلیل و حاجی ئۆمەران بانە ، دا نوکە ئاراس و فاروق و مەریوان و ئاسۆس و … ھەموو فیلسووفێن دژایەتیا حکومەتا کوردستانێ و ھەموو پەیجێن بندیوار و سیاسیێن پشت پەردەیێ دا دەست کەن بۆ مانگرتن و نڤێژا ب جەماعەت لبەر دەرکی سەرا . دا ڤێگاڤێ ھەموو کاناڵێن راگەھاندنێن سلێمانیێ و یێن پ ک ک ھەزاران راپۆرتان لدژی بارزانی و پارتی و حکومەتا کوردستانێ ڤەھینن.دا نوکە مانگرتنا سەرانسەری راگەھینن و ھەزاران بێبەختیان دژی مە دروست کەن .کەرەم بکەن ببینن کا لسەر کەیسا گەندەڵیێن دەرگەھێ باشماخ و ژێ ستاندنا پارێزبەندیێ ژ عەلی حەمە ساڵح دەنگ ژ کەناڵەک و رێکخراوەکا بناڤ جڤاکا مەدەنی دەردکەڤیت؟!
