نووچه
رژێما سووریێ دو تاخێن كوردان دۆرپێچ كریه
پشتی شه‌ر و ئالۆزیێن ل باژێرێ قامشلۆ یێ رۆژئاڤایی كوردستانێ دو رۆژن ل باژێرێ حه‌له‌بێ دو تاخێن كوردان ژ ئالیێ هێزێن رژێما سووریێ ڤه هاتینه دۆرپێچ كرن و ئه‌و یه‌ك ژی بوویه جهێ دلگرانیا وه‌لاتیێن كورد یێن ئاكنجیێن وان هه‌ر دو تاخان.
هه‌ر دو تاخێن ئه‌شره‌فیه و شێخ مه‌قسود كو وه‌كو دو تاخێن كوردان ل حه‌له‌بێ دهێنه نیاسین نها ژ ئالیێ هێزێن رژێما سووریێ ڤه هاتینه دۆرپێچ كرن و وه‌لاتیێن كورد یێن وان هه‌ر دو تاخان ژی دیار دكه‌ن كو دڤێت رژێما سووریێ هێزێن خوه ژ وان تاخان دوور بكه‌ت دا ره‌وشا ژیانا وان ئاسایی ببیت.
