سه‌ره‌دانا هه‌ردوو باره‌گایێن ناڤه‌ندا بالا یا ئێكه‌تیا لاوێن دیموكراتا كوردستانێ
ئه‌ڤرو به‌رێز عه‌لى عه‌ونى ئه‌ندامێ سه‌ركردایه‌تیێ و به‌رپرسێ لقێ هه‌شتێ پارتى دیموكراتى كوردستان و دگه‌ل دا حه‌كیم عه‌بدوللا پیرو كارگێر و به‌رپرسێ نڤیسینگه‌ها جه‌ماوه‌رى و پیشه‌یى یا لقێ هه‌شت، ب جودا سه‌ره‌دانا هه‌ردوو باره‌گایێن ناڤه‌ندا بالا یا ئێكه‌تیا لاوێن دیموكراتا كوردستانێ ل زاخو و لقێ زاخو یێ ئێكه‌تیا قوتابیێن كوردستانێ كرن، و دوو كومبینێن جودا ده دگه‌ل ستافێن رێكخراوێن چه‌ندین بابه‌تێن گرنگ گوتوبێژ كرن،به‌رێز عه‌لى عه‌ونى ئاماژه ب گرنگیا هه‌ردوو رێكخراوان كر د بزاڤا رزگاریخوازیا كوردستانێ ده و رولێ وان بلند نرخاند و دیار كر ژى، وان هه‌ردوو رێكخراوان هه‌ژماره‌كا باش یا كادر و سه‌ركرده‌یێن ژێهاتى ژێ ده‌رچووینه و نها د خزمه‌تا گه‌ل و وه‌لاتى ده‌نه، و ژ بلى كو جه‌ژنا وان ژى پیروز كرن و د كورتییه‌كێ ده به‌حسێ ره‌وشا هه‌نوكه‌یى یا هه‌رێمێ و عیراقێ كرن، دته‌وه‌ره‌كێ دیتر ده به‌رێز عه‌لى عه‌ونى به‌حسێ بزاڤ و چالاكیێن وان رێكخراوان یێن بوورى هاتنه كرن و كارتێكرنا كورونایێ ل سه‌ر چالكیێن وان به‌رچاڤكرن، و هه‌روه‌سا به‌رێز به‌رپرسێ لقێ هه‌شتێ پارتى گوهدار پێشنیار و داخوازیێن قوتابى و لاوان ژى كرن و ل دوماهیێ سوپاسیا به‌رێز به‌رپرسێ لقێ هه‌شتێ پارتى ژ لایێ ستافێ هه‌ردوو رێكخراوان ڤه هاته كرن
