مه‌سرور بارزانى سه‌رپه‌رشتیا كومبوونه‌كا تایبه‌ت ب ره‌شنڤیسێ قانونا بودجێ دكه‌ت

ئه‌ڤرو مه‌سرور بارزانى سه‌روكێ حكومه‌تا هه‌رێما كوردستانێ سه‌رپه‌رشتیا كومبونه‌كا تایبه‌ت ب ره‌شنڤیسێ قانونا بودجه‌یا هه‌رێما كوردستانێ بو سالا 2021ێ كر.

دڤێ كومبونێ دا كو قوباد تاله‌بانى جێگرێ سه‌روكێ حكومه‌تێ و ژماره‌ك ژ وه‌زیرێن په‌یوه‌ندیدار ئاماده‌بوون ، دانوستاندن سه‌باره‌ت ره‌شنڤیسا قانونا بودجه‌یا هه‌رێما كوردستانێ و دویماهیك داتایێن تایبه‌ت ب خه‌رجى و داهاتێن هه‌رێمێ ڤه‌ بو دراشتنا بودجه‌ى ب گشتى هاتنه‌ گه‌نگه‌شه‌كرن

هه‌ر دكومبوونێ دا دووپاتى ل وێ چه‌ندێ هاته‌كرن كو پێدڤیه‌ قانونا بودجێ ره‌نگڤه‌دانا شه‌فافیه‌تا ره‌وشا هه‌رێما كوردستانێ بیت ، جڤاتا وه‌زیران وه‌زاره‌تێن په‌یوه‌ندیدار راسپاردن كو دویماهیك تێبینى و دیتن و بوچونێن خو ل سه‌ر ره‌شنڤێسى قانونێ ئاماده‌ بكه‌ن بو وێ چه‌ندێ د پاشه‌روژه‌كا نێزیك دا جڤاتا وه‌زیران ره‌شنڤێسێ پروژه‌ قانونێ په‌سه‌ند بكه‌ت و لدویڤدا بو په‌رله‌مانێ كوردستانێ ب هنێریت

دته‌وه‌ره‌كێ دى یێ كومبوونێ دا بجهئینانا قانونا بودجه‌یا فیدرالا عێراقێ بو سالا 2021 ێ هاته‌ به‌حسكرن كو حه‌تا نوكه‌ شایستێن دارایى یێن هه‌رێمێ  لدویڤ قانونێ نه‌هاتینه‌ خه‌رجكرن زێده‌بارى ئاماده‌یا هه‌رێمێ بو بجهئینانا ئه‌ركێن خو ، بو ڤێ مه‌ره‌مێ ژى وه‌زیرێ په‌یوه‌ندیدار هاتنه‌ راسپاردن كو دگه‌ل لایه‌نێن حكومه‌تا فیدرلا دا دپه‌یوه‌ندیێن به‌رده‌وام دا بن بو ڤێ مه‌ره‌مێ ، بریاره‌ ل حه‌فتیا بهێت شاندێ هه‌رێما كوردسانێ سه‌ره‌دانا به‌غدا بكه‌ت بو پێداچوونا بجهئینانا قانونا بودجه‌یا فیدارل