وه‌زیرێ ساخله‌میا هه‌رێمێ: هه‌تا نوكه پترى 100 هزار قورچێن ڤاكسینێ دژى كورونایێ هاتینه دان بو وه‌لاتییان
دكتور سامان به‌رزنجى وه‌زیرێ ساخله‌میا حكومه‌تا هه‌رێما كوردستانێ د كونگره‌كێ روژنامه‌ڤانیێ هه‌ڤپشك دا دگه‌ل ئه‌حمه‌د زه‌یتون نوینه‌رێ رێكخراوا ساخله‌میا جیهانى ل عیراقێ راگه‌هاند، ژبلى وه‌لاتیێن هه‌رێما كوردستانێ هژماره‌كا مه‌زن ژ ئاواره و په‌نابه‌ران و كه‌سێن بیانى ل هه‌رێمێ ڤاكسینا كورونایێ پێ دهێته دان، ژبه‌ر وێ چه‌ندێ مه پێدڤى زێده‌تر ب هاریكارى و پشته‌ڤانیا زێده‌تر یا ڤاكسینى هه‌یه.
وه‌زیرێ ساخله‌میێ راگه‌هاند ژى، هه‌تا نوكه 164 هزار و 300 قورچێن ڤاكسینێ هاتینه هه‌رێمێ، ژ وێ ژمارێ ژى زێده‌تر ژ 100 هزار قورچێن ڤاكسینێ ب وه‌لاتیان هاتینه دان، كو دگه‌هیته رێژا دوو پوینت دوو ژ سه‌دێ ژ رێژا وه‌لاتیێن هه‌رێمێ ، دبیت هه‌تا دوماهیا ئه‌ڤ ساله ئه‌و رێژه‌یه بگه‌هیته 20 ژ سه‌دێ.
هه‌ر دكونگرێ روژنامه‌ڤانى یێ هه‌ڤپشك دا ئه‌حمه‌د زه‌یتون نوینه‌رێ رێكخراوا ساخله‌میا جیهانى ل عیراقێ راگه‌هاند، ل ڤان نێزیكان ڤاكسینێن زێده‌تر بو هه‌رێما كوردستانێ دێ هێته دابینكرن و چاڤه‌رێ دهێته كرن به‌رى سه‌رێ سالێ 20% ڤاكسین ب وه‌لاتیان بهێته دان.
