وه‌زاره‌تا پێشمه‌رگه‌ى راگه‌هاندنه‌ك ل سه‌ر شه‌هیدكرنا پێشمه‌رگه‌كى ل ده‌ڤه‌را ده‌ركارێ راگه‌هاند
وه‌زاره‌تا پێشمه‌رگێ حكومه‌تا هه‌رێما كوردستانێ راگه‌هاندنه‌ك لدور شه‌هیدبوونا پێشمهرگهكێ دى ل ناحیا ده‌ركارێ یا ب سه‌ر قه‌زا زاخو ڤه به‌لاڤكر و تێدا داخاز ژ هه‌ڤپه‌یمانان و حكومه‌تا عیراقێ كر رولێ خو ببینن دراوه‌ستاندنا ڤێ ده‌ست درێژیێ دا
د راگه‌هاندنا وه‌زاره‌تا پێشمه‌رگه‌یى دا هاتیه ئه‌ڤرۆ ل ده‌مژمێر 7:30 ى سپێدێ ل ده‌ڤه‌را شه‌رانش ل ناحیا ده‌ركارێ یا سه‌ر ب قه‌زا زاخۆ ڤه جاره‌كا دى ب درێژاهیا وان رویدانان یێن كو به‌رى چه‌ند رۆژێن بورى هاتینه ئه‌نجامدان پێشمهرگهكێ دى ب ناڤێ ره‌زوان محه‌مه‌د عه‌لى هاته شه‌هیدكرن.
ده‌مێ سێ رۆژێن بورى دا ئه‌ڤه جارا دووێ یه ژلاێ نه‌حه‌زان ڤه ب ڤى ره‌نگى ئه‌ڤ كریاره روى دده‌ن و ئه‌م وه‌كو وه‌زاره‌تا پێشمه‌رگه‌ى ڤان ره‌نگه كریاران ب دژوارى ئیدانه و شه‌رمزار دكه‌ین كو ل دووماهیێ دوژمن و نه‌حه‌زێن گه‌لێ مه دێ بخو مفاى ژ ڤێ چه‌ندێ بینن، له‌ورا داخازێ ژهه‌ڤپه‌یمانان و حكومه‌تا عیراقێ دكه‌ین رولێ خو ببینن دراگرتا وان ده‌ستدرێژیا و پاراستنا ده‌ڤه‌رێن سنورى یێن هه‌رێما كوردستانێ و مل ب ملێ هێزێن پێشمه‌رگه‌ى رولێ خو ب گێرن و هێزێن په‌كه‌كێ ژى پێدڤیه تێبگه‌هن ب ڤان كریاران ئارمانجێن وان بجهـ ناهێن بتنێ گه‌لێ مه دێ باجێ ده‌ت.
وه‌زاره‌تا پێشمه‌رگه‌ى دوپات دكه‌ته‌ڤه كو پاراستنا سه‌روه‌ریا ئاخا هه‌رێمێ ژ ئه‌وله‌ویاتێن كارێن وێ یه و رێكێ ناده‌ت چ هێزو لایه‌نه‌ك سنوران بێخته مه‌ترسێ دا.
