سه‌روكێ حكومه‌تا هه‌رێما كوردستانێ و سه‌روك وه‌زیرێن فلانده‌رز په‌یوه‌ندیێن دوو قولى گه‌نگه‌شه‌كرن

ئه‌ڤرۆ مه‌سرۆر بارزانى سه‌روكێ حكومه‌تا هه‌رێما كوردستانێ د گه‌ل یان یامبۆن سه‌رۆك وه‌زیرێ هه‌رێما فلانده‌رز ل باژێرێ برۆكسل  كومبوو ، و دكومبوونێ  دا په‌یوه‌ندێن دناڤبه‌را هه‌رێما كوردستانێ و هه‌رێما فلانده‌رز  دهه‌مى بیاڤان دا  هاتنه‌ به‌حسكرن.

سه‌رۆك وه‌زیرێ فلانده‌رز خو‌شحالیا خو ب سه‌ره‌دانا شاندێ هه‌رێما كوردستانێ دیاركر و ئاماژه‌ ب وێ چه‌ندێ دا كو شانازیێ ب وێ په‌یوه‌ندیێ دكه‌ت یا كو ل گه‌ل هه‌رێما كوردستانێ هه‌یى دووپاتكر كو هاریكارێ و هه‌ماهه‌نگێ د گه‌ل حكومه‌تا هه‌رێمێ دێ یا به‌رده‌وامبیت.

مه‌سرور بارزانى سه‌روكێ حكومه‌تا هه‌رێمێ ژى روناهى ئێخسته‌ سه‌ر كارنامه‌ و چاكسازێن كابینا نه‌هێ یا حكومه‌تا هه‌رێمێ  دهه‌مى بیاڤێن جودا دا و بابه‌تێن هه‌مه‌جوركرنا ژێده‌رێن داهاتى و پێشڤه‌برنا وه‌به‌رهێنانا نافخو و ژ ده‌رڤه‌ و مفا وه‌رگرتن ژ شاره‌زا و بسپورێن وه‌لاتێن ئه‌ورۆپى بۆ گه‌شه‌پێدانا ژێرخانا ئابورى یا هه‌رێما كوردستانێ.

په‌یوه‌ندێن دناڤبه‌را هه‌رێما كوردستانێ و حكومه‌تا فیدرالى  و هاریكارى و پشته‌ڤانیا پێشمه‌رگه‌ى ژلایێ وه‌لاتێن هه‌ڤپه‌یمان ڤه‌  بو روى ب روی بوونا تیرورستێن داعه‌ش  و چه‌ند بابه‌تێن دى یێن گرنگ د وێ كومبونێ دا هاتنه‌ به‌حسكرن