وه‌زاره‌تا دارایى و ئابورى بریاره‌ك بو فه‌رمانبه‌ران ده‌رئێخست
وه‌زاره‌تا دارایى و ئابورى یا حكومه‌تا هه‌رێما كوردستانێ رادگه‌هینیت ، ب پشته‌ڤانیا فه‌رمانا سه‌روكاتیا جڤاتا نوینه‌ران ل هه‌رێما كوردستانێ بریار بۆ ده‌رئێخستنا چه‌ندین رێنمایان هاته دان ژوان ژى: ئه‌و فه‌رمانبه‌رێن كو بو نڤیسینگه‌ها بریكارێ وه‌زاره‌تان دهێنه ته‌نسیب كرن ، دخالا 5ێ یا رێنمایان دا ئاماژه پێهاتییه‌كرن ، موچه و ده‌رمالێن وان بهێنه خه‌رجكرن ژ روژا ده‌ستبكاربونا وان ب درێژاهیا ده‌مێ ته‌نسیبكرنێ ل رێڤه‌بریێن خو، نه‌كو ئه‌و فه‌رمانگه‌هێن ته‌نسیب كرین .
سه‌باره‌ت وان فه‌رمانبه‌رێن ناڤه‌راست و ژێرییا عێراقێ ل سه‌ر میلاكێ حكومه‌تا عێراقێ میلاكێ وان هاتییه ڤه‌گوهاستن، یان دێ هێته ڤه‌گوهاستن بو حكومه‌تا هه‌رێما كوردستانێ لدویڤ پێدڤییا دام و ده‌زگه‌هان پێدڤییه وه‌كى هه‌مى فه‌رمانبه‌رێن حكومه‌تا هه‌رێما كوردستانێ ره‌فتار دگه‌ل دا بهێته كرن ، نابیت چ جوداهی د موچێ وان دا بمینیت.
هه‌روه‌سا كار ب چ رێنما و گشتاندنه‌كێ ناهێته كرن ب تایبه‌ت بو ئه‌وێن د خالا به‌رى نوكه دا ئاماژه پێهاتییه‌كرن.
وه‌زاره‌تا دارایى و ئابورى رادگه‌هینیت ، كو ئه‌و رێنمایا دێ كار پێ هێته كرن د روژنامه‌یا وه‌قائیع كوردستان دا دێ هێته به‌لاڤكرن
