“ئەو چیایێن مە بخوین رزگار کرین وە یێن داگیرکرین و رادەستکرین “
ئازاد جه‌هوه‌ر
ره‌فتارێن په‌كه‌كێ وه‌كو ره‌فتارێن وى زاروكى یه یێ كو ل كولانێ و ژده‌رڤه‌ى مالا خوه ترسنوك و شه‌همزار كرى و ره‌زیل و هه‌رده‌م لێداى و قوتاى یه ، و دمال دا شێره و شه‌ركه‌ره و شه‌رفروشه و خه‌به‌ر بێژه و جهێ نه‌رحه‌تیێ یه بو ئه‌ندامێن خێزانێ هه‌میێ و ناهێلیتن ئێك خوشیێ بخو ببه‌ت ، ئاها په‌كه‌كه نه‌كێم و نه‌زێده بڤى ره‌نگى یه ، په‌كه‌كه لبه‌رامبه‌ر توركان و عه‌ره‌بان و فارسان هه‌رده‌م لێدایى و قوتایى و ته‌په‌سه‌ركرى و شه‌همزاركریه و لبه‌رامبه‌ر هه‌رێما كوردستانێ و خه‌لكێ وێ ، عه‌مێ گوزێ و سوپه‌رمان و قاره‌مان و شه‌رفروش و خاك فروش و سروشت فروش و بكوژه ، گروڤه ژى بو ڤێ دوهى پێنج پێشمه‌رگه و ئه‌ڤرو پێشمه‌رگه‌یه‌كێ دى یێ خه‌لكێ زاخو لسنورێ ناحییا ده‌ركارێ شه‌هید كریه و به‌شه‌كێ خاكا هه‌رێما كوردستانێ ب هه‌ماهه‌نگى دگه‌ل توركان داگیر كریه و سروشتێ كوردستانێ دماوه‌یێ 30 سالێن بورى دا تا نها ئاگر و ئاسن ژێ قوت نه‌كریه ، له‌وما ب پشت راستى ڤه دبێژم ئه‌گه‌ر لسه‌ر هه‌مان ره‌فتار و كریار و گوفتارێن خوه په‌كه‌كه به‌رده‌وام بیتن ، ده‌شت و دول و نه‌هالێن هه‌رێما كوردستانێ دێ بوان بیته دوزه‌خ و جه‌هه‌نم و دێ پر بیت ژ ئاگرێ كه‌ربا بسالان یا بسه‌ر ئێك داهاتى یا خه‌لكێ هه‌رێما كوردستانێ ، ژبه‌ركو لوى ده‌مى نه‌تنێ پێشمه‌رگه به‌لكو هه‌مى خه‌لكێ هه‌رێما كوردستانێ و بتایبه‌ت ریفراندومناخ و خه‌لكێ سته‌م دیتى یێ ده‌ڤه‌رێن سنورى و بتایبه‌ت تر خه‌لكێ زاخو هه‌مى پێكڤه پێشمه‌رگه و موجاهد و فیدایێ یێن خاكا هه‌رێما كوردستانێ نه ، و لوى ده‌مى بتنێ ئێك روژ بو نه‌هێلان و ژناڤبرنا په‌كه‌كێ ل ده‌ڤه‌رێن سنورى به‌سه ، بپشت راستى ڤه دبێژم ئاها لڤێ ده‌قیقێ ژى سه‌روك بارزانى مه‌رجه‌عێ گه‌لێ كوردێن دلێر و خاك په‌ره‌ست و سه‌روكاتى و حكومه‌تا هه‌رێما كوردستانێ رێكێ بده‌ن جه‌ماوه‌ر ئاماده‌یه په‌كه‌كێ وه‌كو قورته‌كا ئاڤێ دوێ تاسێ دا ڤه‌خون و بدوماهیك بینن ل ڤێ هه‌رێمێ ، ژ ڤێ گوتنێ بلا په‌كه‌كه نه دودل و نه‌شاش بیتن ، ئه‌گه‌ر لسه‌ر هه‌مان كریارێن نامروڤانه و چه‌په‌لانه به‌رده‌وام بن پشت راست بن وه رێكا نه‌مانا خوه و دوزه‌خ بشێوه‌یێ سه‌رشورى یێ هه‌لبژارتى ، ئه‌وا وه شیایى روژئاڤا و باكور خراب بكه‌ن ، ڤێره باشوره باشور نه ریڤى و نه حێفتیار و نه ته‌یرێن كه‌له‌خان نه‌شێن ژبه‌ر شێران سه‌رێ خوه هلده‌ن وه‌گولێ بویه ده‌ما دگوتن (وا هاتن پێشمه‌رگێن مه شال و شاپك ل به‌ژنا وان )ئه‌ڤجا به‌سه هند كوردایه‌تى و مه‌ردایه‌تى و جامێرییا سه‌ركردایه‌تى و خه‌لكێ هه‌رێما كوردستانێ بده‌لیڤه ببینن و هه‌رن باكور وان سه‌روك شاره‌وانیان ئازاد بكه‌ن یێن بده‌نگێ خه‌لكێ هاتین و بكریارێن وه هاتینه گرتن ، هه‌رن ئیمرالى تنێ سلاڤه‌كێ ل سه‌روكێ خوه بكه‌ن و ئازاد نه‌كن ، هه‌رن فروكه‌خانا دیاربه‌كر وى جهێ ئێف شازده ژێ رادبن هه‌رن (عومه‌را ئانكو ئامه‌را ) وى گوندێ جهێ دایكبونا عه‌بدولا ئوجه‌لان رزگار بكن ئه‌و جهى هوین دبێژن ئازادى و فكر و فه‌لسه‌فه یێ لێ دایك بوى ، نێ هێشتا بن ده‌سته ئه‌و گوند و هیچ ئازادى لێ نینه ، براستى ژى ئه‌و چییاێن مه ئازاد كرین ێن بوین جهێ خوه ڤه‌شارتنا وه ده‌ركه‌ڤن هه‌رن چیایێن بن ده‌ست ئازاد بكه‌ن.
