سه‌روك بارزانى دگه‌ل بالیوزێ بریتانیا ل عیراقێ كومبوو
ئه‌ڤرو ل سه‌لاحه‌دین سه‌روك مه‌سعود بارزانى پێشوازى ل ستیڤن هیكى بالیوزێ بریتانیا ل عیراقێ كر
د هه‌ڤدیتنه‌كێ دا جیمس سورنتون قونسلێ بریتانیا ل هه‌ولێرێ ئاماده‌بوو سه‌روك بارزانى و بالیوزێ بریتانیا دیتن و بوچوون سه‌باره‌ت پرۆسه‌یا سیاسى وهه‌لبژارتنێن عیراقێ د قوناغا بێت دا و هه‌روه‌سا پروسا سیاسى یا هه‌رێما كوردستانێ و په‌یوه‌ندێن هه‌رێمێ و به‌غدا لێكگوهارتن و روناهى ئێخسته سه‌ر ئه‌و ته‌حه‌دیاتێن ئه‌منى و سیاسى كو به‌رامبه‌ر هه‌رێما كوردستانێ و عیراقێ دا هه‌ین.
كاریگه‌ریا سیاسى یا ده‌وله‌تى و هه‌رێمایه‌تى ل سه‌ر پاشه‌روژا عیراقێ و رێكێن ب ده‌ستڤه ئینانا سه‌قامگێریێ ل عیراقێ هاتنه به‌حسكرن و هه‌ر دروینشتنا خو دا پێنگاڤێن پێكئینانا ناڤه‌نده‌كا هه‌ماهه‌نگیا له‌شكه‌رى دناڤبه‌را هێزێن پێشمه‌رگێ كوردستانێ و هێزێن عیراقى هاته به‌حسكرن.
په‌یوه‌ندێن دناڤبه‌را هه‌رێما كوردستانێ و بریتانیا و كاركرن بۆ پێشئێخستنا وان په‌یوه‌ندیان ته‌وه‌ره‌كىێ دى یێ وێ دیدارێ بوو.
جهێ ئاماژێ یه كو ستیڤن هیكى بالیوزێ بریتانیا ل عیراقێ و جیمس سورنتون كونسلێ بریتانیا ل هه‌ولێرێ دویماهى ب ئه‌ركێن وان عیراقێ و هه‌رێما كوردستانێ هاتیه و بۆ مه‌ره‌ما خاتر خواستنێ سه‌ره‌دانا سه‌ره‌دانا سه‌روك بارزانى كر و سه‌روك بارزانى سوپاسیا وان كر و هیڤیا سه‌ركه‌فتنێ بۆ وان د ئه‌رك و كارێ وان یێ نوى دا خواست .
