نێچیرڤان بارزانى و شاهـ عه‌بدوللایێ دووێ خورتكرنا په‌یوه‌ندییان گه‌نگه‌شه‌كر
ئه‌ڤرو شاهـ عه‌بدوولا یێ دووێ، شاهێ شانشینا ئوردنا هاشمى، ل كوچكا حوسه‌ینیه ل عه‌مانێ پێشوازى ل نێچیرڤان بارزانى سه‌روكێ هه‌رێما كوردستانێ كر.
د كومبوونێ دا كو شازاده فه‌یسه‌ل كورێ حسێن و سه‌روك وه‌زیر و وه‌زیرێ ده‌رڤه یێ ئوردنێ ئاماده‌بوون، په‌یوه‌ندیێن ئوردن و هه‌رێما كوردستانێ هاتنه گه‌نگه‌شه‌كرن و دووپاتى لسه‌ر بهێزكرنا په‌یوه‌ندیان د هه‌مى بیاڤان دا كر، هه‌روه‌سا دویماهیك پێشهاتێن عیراقێ و ده‌ڤه‌رێ به‌حسكرن و شاهێ ئوردنێ پشته‌ڤانیا ئوردنێ بو عیراقێ و هه‌رێمێ دووپاتكر.
هه‌ردوولایان داكوكى لسه‌ر پێدڤیێن موكومكرن و رێكسختنا بزاڤێن ده‌وله‌تى و هه‌رێمێ د چارچوڤێ ستراتیژیه‌كا گشتى دا بو شه‌رێ دژى تیرورێ و توندره‌ویی و كارێ هه‌ڤپشك بو موكومكرنا ئارامیێ ل ده‌ڤه‌رێ كر، هه‌روه‌سا به‌حسێ كارتێكرنێن ڤایروسێ كورونایێ بتایبه‌تى دبیاڤێن ئابوورى دا كر.
سه‌ورك نێچیرڤان بارزانى سوپاسیا رولێ شاهـ عه‌بدوولایێ دووێ و شانشینێ ئوردنێ د پشته‌ڤانیكرنا به‌رده‌وام یا هه‌رێما كوردستانێ كر و ئاماژه ب په‌یوه‌ندیێن دیروكى یێن هه‌ردوولایان كر، و ئاماده‌یا هه‌رێما كوردستانێ ژى ده‌ربرى بو وێ چه‌ندێ ل هه‌مى بیاڤێن جهێ گرنگیا هه‌ڤپشك دا هاریكاریێ دگه‌ل ئوردنێ بكه‌ت.
