بەرپرسێ لقێ٨ سەرەدانا مالا ھەر سێ پێشمەرگێن دێرین نادر سووری، سەعید مەلا ئەمین و حسێن سووری کرن

ئەڤرو شاندەکێ ب سەرپەرشتیا بەرێز عەلی عەونی، ئەندامێ جڤاتا سەرکردایەتیێ و بەرپرسێ لقێ٨ یێ پارتی دیموکراتی کوردستان، سەرەدانا مالا ھەر سێ پێشمەرگێن دێرین نادر سووری، سەعید مەلا ئەمین و حسێن سووری کرن.د روینشتنەکێ دا بەرپرسێ لقێ٨ ژ نێزیک ڤە ل سەر رەوشا ساخلەمیا وان ئاگەھدار بوو کو ماوەیەکە نەخوەش کەفتین و داخوازا ساخی و سلامەتیەکا بلەز ژی بو وان خواست، ھەروەسا خەبات و ماندیبوونا وان د روژێن سەخت و دژواردا بلند وەسفکر. بەرێز عەلی عەونی پشتەڤانیا خوە بو ھەر کارەکێ دا دیارکرن کو خزمەتا وان پێشمەرگەیێن دێرین و باشتربوونا ساخلەمیا وان بکت.