بایکوت…..(چەکێ ئەتومیێ) ھەژارا…؟!!
كوڤان حسێن
تا نوکە کەس نەشیایە ب دروستی نەپێشکەفتنا بازارێ ئازاد پێناسە بکەت و نە سنوەرکێ بۆ مەودایێ وێ دیار بکەت و نە ژی (لغافەکێ) بدەتە سەر بدەڤێ وێ. سنورێن تەماعكاری و سەربور و ناسنامێن ئابووریێن وێ ل جیھانێ دزورن، لێ یا تا نوکە مای ئەوە بەردەوام یا گەشێ دکەت.بازارێ ڤەکری، سیستەمێ لیبرالیێ سیاسی و ئابووریە، لێ دڤێ ھاوکێشێدا. بۆ ھەر کەلەکەبوونەکا ئابووری یان ھەر قەیرانەکێ ژی رێک و ئالاڤێن دیموکراتی بۆ چارەسەریێ ھەنە. مخابن تا نوکە ل وەلاتێ مە ناسنامەکا ئابووریا زەلال نینە، لێ پتر بازارێ کوردستانێ یێ ڤەکری و ئازادە ژ یێ ب لغاڤێن دەولەتێ و حکومەتێ کونترول کری، بایکوتكرن یان نە کرینا وی تشتێ ژ قەبارێ خوە پتر بھا کەفتیە سەر، چەکەکێ بھێزە بەرامبەر بێ سنوریا بھایێ متا و کەلو پەلان, ھەر گاڤا بەکاربەری شیا ل جھـ و دەمێ پێدڤی بۆ کایێ پێتڤی، پارێن خوە ب ئابوور و قەنتار ب مەزێخیت، وی دەمی پالسەنگیا سیکێ و تەمامکرنا بکری و بازرگانی دێ بیتە سەمفونیەکا ب تام بۆ ھەر دوو ئالیان.زور جارا مە دیارکریە كو ژیانا ل باژێران ب کلتورێ گوندی، ئێک و دوو ڤەناگرن، ئەم چەوا راھاتی بوینە ل گوندا ب (اکتفاء زاتی) مە ژیان دکر، وەسا ئەم پێتڤی ب ھونەرەکێ نە، بزانین ل باژێران ژی بژین و بھایێ سامانێ کێم و ب قیمەتێ خوە بزانین, نە شەرمە ئەم نەزانین و دژیانا باژێراندا شارەزا نەبین. ژیانکرن ل باژێران ئانکو ھەمی گاڤ و سەعەتێ کەسێ کورد لبەر ھێرشا لھمشتا رەكلاما بێ وژدانا بازرگانیێ دایە و ب ملیونا دولار ل متایێن بێ بھا خەرج دبیت.بایکوت ئەگەر راست بیت و بیتە کەلتور و بیتە پەیامەك بۆ بازرگانا، کو بکەیفا نەما بشێن بازارێ ئارەستا بکەن. ھینگێ نەک بازرگان، بەلکو تەخا سیاسی ژی دێ حسابەکا دی بۆ چڤاکی و ناسکرنا چڤاکی و رەنگ و شێوەیێ سەرەدەریا خوە دگەل چڤاکی راست ڤەکەتن یان پێداچوونێ کەتن.بایکوت چەکێ ئەتومیە بۆ تەخا ناڤین و ھەژار چەکەکە ژ ھناڤێن بازارێ ئازاد بخوە ژ دایک بویە، وەک ھێزەک ڤەشارتی بۆ راگرتنا پالسەنگیا بازاری.ھندی حکومەت بێ دەنگ و لڤی رەوشێ دا تەماشەکار بیت، بتنێ خودانا پاراستنا یاسایێ و باج و خەراجیێن خو بیت و مایێ خوە ل سیکێ نەکەت، ھندەک د خزمەتا وی جڤاکی دایە ئەوێ ھشیار و ب زانابوون بکاریت پارێن خوە خەرج کەتن.چڤاکی کوردی پێتڤی ب ھندەک ڤەکولینێن زانستی و ئەکادیمە، کو ئەڤە کارێ زانکو و ناڤەندێن ڤەکولینا یە، ئەو بشێن بزانن ئارەستا بكری و بکاربەرا ل کوردستانێ بەرەف چییە؟! جھێ کەرتێ بازرگانی لڤی وەلاتی شیانێن پێشکەفتنێ ھەنە،ئەگەر ھاوەلاتیێ کورد شیا بایکوتێ ب کلتور کەتن، ژ راستی تەخەکا سەر راست و درست نەک ل وارێ ئابووری و مالێ دا، بەلکو ل وارێ سیاسی و چڤاکی دا ژی ژ دایک دبیت.بلا بایکوتا تشتەکێ نەگەلەک فەرێ وەک پانزینێ (پروڤەک) بیت بۆ چڤاکی، کا دێ چەند سەرکەفتی بیت و چەند گیانێ ھاوکاری و ھەرە وەرزی لناڤ کوردا مایە و ئو ئەم نە گەھشتینە وێ ئاستێ بازرگان حەز دکەن (کەسێ شولە ب ژ کەسێ نینە).
