خولا هه‌شت روژى ئه‌وا بو هه‌ژماره‌كا ئافره‌تێن سنوورێ لقێ هه‌شتێ پارتى هاتبى ڤه‌كرن ب دوماهى هات

د چوارچوڤێ بزاڤ و چالاكیێن نڤیسینگه‌ها رێكخستنێ یا لقێ هه‌شت ده‌، ئه‌ڤرو ب به‌رهه‌ڤبینا به‌رێز عه‌لى عه‌ونى ئه‌ندامێ سه‌ركردایه‌تیێ و به‌رپرسێ لقێ هه‌شتێ پارتى دیموكراتى كوردستان و هه‌ژماره‌كا به‌رپرسێن حزبى، خولا هه‌شت روژى ئه‌وا بو هه‌ژماره‌كا ئافره‌تێن سنوورێ لقێ هه‌شتێ پارتى هاتبى ڤه‌كرن ب دوماهى هات، د په‌یڤه‌كێ ده‌ به‌رێز به‌رپرسێ لقێ هه‌شت ئاماژه‌ دا ب رولێ ئافره‌تێن كورد د هه‌مى شوره‌شێن ئێك لدویڤ ئێك یێن ل پێناڤ ئازادى و رزگاربینا كورد و كوردستانێ ب تایبه‌ت ل سه‌ر رێبازا پیروزا بابێ روحى، و ته‌كه‌ز كر كو نها ژى ئافره‌تا كورد رولێ خوه‌ دیتیه‌ د بوارێن سیاسى و جڤاكى و ئیدارى ده‌، و به‌رێزى هیڤى خواست مفا بێته‌ وه‌رگرتن ژ ڤان جوره‌ خولان و ده‌ست خوه‌شى ل ماموستا و پشكداران ژى كر و، به‌رێز عه‌لى عه‌ونى هیڤى خواست به‌رده‌وام بن ل سه‌ر ڤان جوره‌ چالاكیان و لدوماهیێ باوه‌رنامه‌یێن پشكداریا خولێ ل سه‌ر ئاماده‌بیان هاتن به‌لاڤكرن