ئه‌ڤرو بیره‌وه‌رییا حه‌فته‌مین سالیادا جینوساید كرنا شنگالێ یه
دروژه‌كا وه‌كى ئه‌ڤرو دا و ل 3-8-2014 تیرورستان بێ جوداهییا ته‌مه‌نى و ره‌گه‌زى و بێ به‌رچاڤ وه‌رگرتنا بچیكترین پیڤه‌رێن مروڤایه‌تیێ ب شێوه‌یه‌كێ گه‌له‌ك هوڤانه ده‌ست بسه‌ر شنگالێ داگرتن و ب هزاران خه‌لكێ ده‌ڤه‌را شنگالێ جینوساید كرن ، ب هزاران گه‌نج و لاو و پیر كومه‌لكوژ كرن و بهزاران ژن و كچێن ئێزدى ره‌ڤاندن ، ده‌ڤه‌ر و جهێن ئولى وێران كرن ، بڤى هه‌لكه‌فتنا جه‌رگ بر سه‌رێ رێزێ دادنین به‌رامبه‌ر شه‌هیدێن شنگالێ و هیڤیخازین ژ حكومه‌تا عیراقێ و كومه‌لگه‌ها نێڤ ده‌وله‌تى كاربكه‌ن بو ئاڤاكرنا شنگالێ و ڤه‌گه‌راندنا ئاواران بو سه‌ر جهومالێن وان هه‌روه‌ها داخوازێ ژ په‌كه‌كێ و حه‌شدا شه‌عبى دكین شنگالێ چول بكه‌تن و زێده‌تر نه‌بنه سه‌رئێشى و ئاسته‌نگ بو ده‌ڤه‌رێ بگشتى ژبه‌ركو ب هه‌بونا وان شنگالى ڤه‌ناگه‌رن و ده‌ڤه‌ر ژى ئارامیێ بخوه ڤه نابینتن ، شنگالى ئاماده‌نه لكه‌مپان و دبن خیڤه‌تان بژین نه‌ك بن ده‌ستهه‌لاتا په‌كه‌كێ و حه‌شدا شه‌عبى دابن، داخوازدكین رێكه‌فتنا شنگال بئێته بجهئنان بو ئارامى و ئاڤه‌دانیا ده‌ڤه‌رێ، هه‌روه‌ها لڤیرێ ب ده‌رفه‌ت دبینین سوپاسییا سه‌روك بارزانى و پێشمه‌رگێن قه‌هره‌مان بكین كو ب خوینا سه‌دان شه‌هیدان شنگال ژ ده‌ستێ تیرورستێن داعش رزگاركرن و سوپاسیا نێچیرڤان بارزانى و مه‌سرور بارزانى بكین بو رزگاركرنا هه‌ژماره‌كا بلند ژ كچ و ژنێن ئێزدییان و بگشتى سوپاسییا خه‌لكێ پارێزگه‌ها دهوكێ و زاخو بتایبه‌تى بو باوه‌شگرتنا خه‌لكێ شنگالێ و خزمه‌تكرنا وان و ڤه‌حه‌واندنا وان د مال و ئاڤاهێن خوه دا .نه‌مرى بو شه‌هیدان هه‌ربلند بیت ئالایێ كوردستانێ نڤیسینگه‌ها ره‌وشه‌نبیرى و راگه‌هاندنێ لقێ 8 یێ پ.د.ك
