بەرپرسێ لقێ٨ دگەل ھەژمارەکا کادرێن سنوورێ لقا ھەشتا پارتی کومبوو
د چوارچوڤێ به‌رنامه‌یێ هاتیه دارشتن ژ لایێ نڤیسینگه‌ها رێكخستنا لقێ هه‌شت ڤه، ب به‌رهه‌ڤبینا به‌رێز عه‌لى عه‌ونى ئه‌ندامێ سه‌ركردایه‌تیێ و به‌رپرسێ لقێ هه‌شتێ پارتى دیموكراتى كوردستان، و سالح حه‌یده‌ر به‌رپرسێ نڤیسینگه‌ها رێكخستنێ و هه‌ژماره‌كا دیتر ژ كارگێران، كومبینه‌ك هاته ئه‌نجام دان دگه‌ل هه‌ژماره‌كا كادرێن سنوورێ لقێ ناڤبرى و، دڤێ كومبینێ ده به‌رێز عه‌لى عه‌ونى لده‌ستپێكێ بیره‌وه‌ریا شازده‌یى ته‌باخى و دامه‌زراندنا پارتى دیموكراتى كوردستان و ژدایكبینا سه‌روك مه‌سعود بارزانى، ل هه‌مى هه‌ڤال و لایه‌نگرێن پارتى پیروز كر و، هه‌روه‌سا به‌رێز ئه‌ندامێ سه‌ركردایه‌تیێ روناهى ئێخسته سه‌ر ره‌وشا سیاسى یا ئه‌ڤرو ل هه‌رێمێ و عیراقێ و، كومه‌كا پرسێن په‌یره‌وێ ناڤخوه‌یێ حزبێ كو ب بابه‌تێن ناڤخوه یى ڤه گرێدایینه شروڤه‌كرن و هه‌روه‌سا كومه‌كا شیره‌ت و راسپارده‌یان و گونجاندنا د گه‌ل هه‌ر پێشهاته‌ك و رویدانه‌كێ ته‌كه‌ز كر و پاشى به‌رێز عه‌لى عه‌ونى به‌رپرسێ لقێ هه‌شت نێزیكى شێست رێكخراوێن ل سنوورێ لقێ هه‌شت خه‌لات كرن وداخواز كر كو هه‌ر ده‌م خوه ماندى بكن بو پێشڤه‌چوونا ره‌وشا رێكخستنێن پارتى و، د ئێته زانین ڤان رێكخراوان ل ده‌مێ بوورى رووله‌كێ چالاك د بارێ رێكخستنێ و كارێ حزبى ده گێراینه
