زانكۆیا زاخۆ كۆنفرانسێ خوه یێ پێنجێ ئه‌نجام دا
عه‌لی حاجی:
سه‌رۆكێ سه‌نته‌رێ زاخۆ بۆ ڤه‌كۆلینێن كوردی بۆ رۆژناما ئه‌ڤرۆ دیار كر، پشتی 100 سالان ژ دامه‌زراندنا ده‌وله‌تا عیراقێ وان كۆنفرانسێ پێنجێ یێ زانكۆیا زاخۆ د بن ناڤونیشانێن باشورێ كوردستانێ و به‌غدا سه‌ربۆرا كوردان د 100 سالیا ده‌وله‌تا عیراقێ دا ئه‌نجام دا.
دكتۆر عه‌بدولسه‌لام نه‌جمه‌ددین، سه‌رۆكێ سه‌نته‌رێ زاخۆ بۆ ڤه‌كۆلینێن كوردی گۆت: “د 100 سالیا دامه‌زراندنا ده‌وله‌تا عیراقێ دا، هه‌ر ژ سالا 1921 هه‌تا 2021ێ كوردان ژبلی زیان و قوربانی و ده‌رده‌سه‌ریێ چو تشته‌كێ دیتر د درێژاهیا مێژوویێ دا ل عیراقێ نه‌دیتیه، له‌وما مه دڤیا ببینه پشكه‌ك ژ چاره‌سه‌ریا ڤێ ئاریشێ”.
گۆتژی: “كۆنفرانس بۆ ده‌مێ دو رۆژان دێ یێ به‌رده‌وام بیت، ل سه‌ر ئاستێ ناڤخووه و ده‌رڤه چه‌ندین ڤه‌كۆلین گه‌هشتینه مه، به‌لێ ب تنێ 28 بوونه جهێ باوه‌ریا زانستی كو ئه‌و ڤه‌كۆلین دێ ب رێیا ئونلاین و راسته‌وخۆ هێنه پێشكێشكرن و پشكه‌كا وان ژ وه‌لاتێن عه‌ره‌بی نه”.
دكتۆری زێده‌تر گۆت: “ئه‌و ڤه‌كۆلین وه‌كو هه‌موو به‌رهه‌مێن مه یێن د كۆنفرانسێن بۆری دا دێ هێنه به‌لاڤكرن، زانكۆیا زاخۆ ژی پێنگاڤێن باش هاڤێتینه ب تایه‌بتی د كۆنفرانسێن نێڤده‌وله‌تی دا، ژ به‌ر كو ئێدی پێدڤی یه زانكۆیێن مه ژی د دۆزێن نه‌ته‌وه‌یی دا پێنگاڤێن باش بهاڤێژن”.
