سی و سێ سال ب سه‌ر كاره‌ساتا كیمیا بارانكرنا گوندێ تیكا ده‌ ده‌رباز بین

د وێ كاره‌ساتێ ده‌ چوارده‌ وه‌لاتى شه‌هید دبن، هه‌ر ب وێ هه‌لكه‌فتێ و د چوارچوڤێ بزاڤ و چالاكیێن رێڤه‌به‌رییا شه‌هید و ئه‌نفالكریان ده‌ ل زاخو و ب هه‌ماهه‌نگى د گه‌ل لقێ هه‌شتێ پارتى و ب به‌رهه‌ڤبینا به‌رێز عه‌لى عه‌ونى ئه‌ندامێ سه‌ركردایه‌تیێ و به‌رپرسێ لقێ هه‌شتێ پارتى دیموكراتى كوردستان و، د رێوره‌سمه‌كێ ژ هه‌ژى ده‌ ئه‌و كاره‌ساته‌ هاته‌ ل بیرئینان و د په‌یڤه‌كێ ده‌، به‌رێز عه‌لى عه‌ونى دیار كر، ب ناڤێ مافێ مروڤان دێ نه‌هه‌نگه‌كێ د ناڤبه‌را دوو چیانده‌ رزگار كن به‌لێ خوینا كوردان درێژن، د ئێته‌ زانین ژى گورستانا گوندێ تیكا ژ لایێ حكومه‌تا هه‌رێما كوردستانێ ڤه‌ هاتیه‌ نویژه‌ن كرن و جهێن شوله‌ژێ و كه‌س و كارێن قوربانیان به‌حسێ بێ وژدانیا وان تاوانان كرن، و د ئێته‌ زانین كو ل بیست و پێنجى مه‌ها ته‌باخا سالا هه‌زار و نه‌هسه‌د و هه‌شتى و هه‌شتێ ژ لایێ رژێما به‌عسا گوربه‌گور ڤه‌ ب حه‌فت گوله‌یێن چه‌كێ قه‌غه‌كرى هاتیه‌ توپباران كرن