بەرپرسێ لقێ٨ یێ پارتی ، پێشوازی ل مەترانێ کەنیسەیێن ئاناباتایس ل ھەرێما کوردستانێ کر

بەرێز عەلی عەونی، ئەندامێ جڤاتا سەرکردایەتیێ و بەرپرسێ لقێ٨ یێ پارتی دیموکراتی کوردستان، پێشوازی ل بەرێز مەتران بەھزاد مزیری، مەترانێ کەنیسەیێن ئاناباتایس ل ھەرێما کوردستانێ کر. د دیدارەکێ دا رەوشا مەسیحیێن ھەرێما کوردستانێ و دەڤەرا زاخو ب تایبەتی بەحسکرن و ئاماژە دان وێ برایەتی وپێکڤەژیانا ھەیی و رولێ سەروک بارزانی و حکومەتا ھەرێما کوردستانێ د خزمەتکرنا مەسیحیاندا ئینان زمان. ھەروەسا بەرپرسێ لقێ٨ دوپاتکر، کو مەسیحی بەشەکێ گرنگێ پێکھاتا وەلاتێ مەنە و مافێن وان ژ ھەمی لایەکێ ڤە ھاتینە پاراستن و پارتی ل دەڤەرا زاخو ژی ژھەمی لایەکێ ڤە پاراستنا ل سەر ڤێ چەندێ دکت، ژلایێ خوەڤە بەرێز مەتران بەھزاد مزیری خوەشحالیا خوە بەرامبەر رولێ لقێ٨ دیارکر ژبو وێ رێز و برایەتیا دناڤبەرا پێکھاتەیێن دەڤەرێ دا ھەیی. ھەر د روینشتنا خوەدا ھەردوو لایان ھەلبژارتنێن داھاتی یێن عیراقێ و دوماھی پێشڤەچوونێن ھەرێما کوردستانێ بەحسکرن.