بەرپرسێ لقێ ھەشت یێ پارتی دگەل جڤات وناڤەندێن ئافرەتان ل سنوورێ قەزا زاخو کومبوو
به رێز عەلی عەونی، ئەندامێ جڤاتا سەرکردایەتیێ وبەرپرسێ لقێ ھەشت یێ پارتی دیموکراتی کوردستان، و ب ئامادەبوونا دکتورا ڤیان سلێمان سکرتێرا ئێکەتیا ئافرەتێن کوردستانێ و حەکیم عەبدوللا بەرپرسێ نڤیسینگەھا جەماوەری وپیشەیی، دگەل جڤات وناڤەندێن ئافرەتان ل سنوورێ قەزا زاخو کومبوو.د کومبوونێ دا بەرپرسێ لقێ ھەشت روناھی ئێخستە سەر رەوشا سیاسیا ھەرێما کوردستانێ و نویترین پێشھات وپەیوەندیێن وێ دگەل عیراقێ بەحسکرن. د تەوەرەکێ دیتر یێ کومبوونا خوەدا بەرپرسێ لقێ ھەشت بەحس ل ئامادەکاریێن ھەلبژارتنێن پێشوەخت یێن جڤاتا نشتیمانیا عیراقێ کر و داخوازکر ئافرەت ژی وەکو چینەکا گرنگ رولێ خوە د سەرئێخستنا پروسەیا ھەلبژارتناندا ببینن. ل داویێ ژی بزاڤ وچالاکیێن بەردەوام یێن جڤات وناڤەندێن ئافرەتان ل سنوورێ قەزا زاخو ھاتنە بەحسکرن وژلایێ خوەڤە بەرپرسێ لقێ ھەشت پشتەڤانیا خوە ژ بو چالاکیێن وان وھەر ھزرەکا خزمەتا خەلکێ کوردستانێ بکت نیشاندا.
