بریتانیا پشته‌ڤانیا خوه بۆ سه‌قامگیریا هه‌رێما كوردستانێ دووپات دكه‌ت
د دیداره‌كێ دا ل گه‌ل سكرتێرێ مه‌كته‌با سیاسی یا پارتی دیموكراتی كوردستان، كۆنسۆلێ نوو یێ بریتانیا پشته‌ڤانیا وه‌لاتێ خوه بۆ سه‌قامگیریا هه‌رێما كوردستانێ دووپات دكه‌ت.
فازل میرانی، سكرتێرێ مه‌كته‌با سیاسی یا پارتی دیموكراتی كوردستان، پێشوازی ل (دیڤید هنت) كۆنسۆلێ نوو یێ بریتانیا ل هه‌رێما كوردستانێ و شاندێ دگه‌لدا كر.
د دیداره‌كێ، سه‌ره‌رای ب خێرهاتنا شاندێ مێهڤان، سكرتێرێ مه‌كته‌با سیاسی یا پارتی پیرۆزباهیا ده‌ستبكاربوونێ ل كۆنسۆلێ نوو یێ بریتانیا ل هه‌رێمێ كر و هیڤیا سه‌ركه‌فتنێ د ئه‌ركێ خوه دا بۆ خواست، به‌رهه‌ڤیا پارتی دیموكراتی كوردستان ژی بۆ هاریكاریێ و هه‌ماهه‌نگیێ ژ پێخه‌مه‌ت سه‌رخستنا كارێن وان و زێده‌تر ب هێزكرنا په‌یوه‌ندیان ده‌ربری.
ژلایێ خوه ڤه، كۆنسۆلێ نوو بریتانیا ل هه‌رێما كوردستانێ سوپاسیا سكرتێرێ مه‌كته‌با سیاسی یا پارتی كر بۆ پێشوازیا وی و پشته‌ڤانیا بریتانیا ژی بۆ سه‌قامگیریا هه‌رێما كوردستانێ دووپاتكر.
ره‌وشا سیاسی یا ئیراقێ و هه‌رێما كوردستانێ و ده‌ڤه‌رێ و هه‌لبژارتنێن داهاتی یێن جڤاتا نوونه‌رێن ئیراقێ، ته‌وه‌ره‌كێ دی یێ دیدارێ بوون.
