مه‌سرور بارزانى قه‌ته‌ر ب جهـ هێلا و به‌ره‌ڤ هه‌ولێرێ ب رێكه‌فت

مه‌سرور بارزانی سه‌رۆكێ حكومه‌تا هه‌رێما كوردستانێ، پشتى ئه‌نجام دانا چه‌ندین دیدارێن سیاسی یێن گرنگ، قه‌ته‌ر ب جههێلا و به‌ره‌ڤ هه‌ولێرێ ب رێكه‌فت.پشتى سه‌ره‌دانا وى بۆ قه‌ته‌رێ و ئه‌نجامدانا چه‌ندین دیدارێن سیاسى و ئابوورى، مه‌سرور بارزانی، سه‌رۆكێ حكومه‌تا هه‌رێما كوردستانێ قه‌ته‌ر ب جهـهێلا و ژ ده‌وحه‌ به‌ره‌ڤ هه‌ولێرێ ب رێكه‌فت.ل ده‌مێ مانا وى ل قه‌ته‌ر، مه‌سرور بارزانى، ل گه‌ل میرێ قه‌ته‌رێ و سه‌رۆك وه‌زیران و وه‌زیرێ وزێ و پیشه‌سازى و بازرگانییا وى وه‌لاتى كۆمبوویه‌ و چه‌ندین پرسێن سیاسى و ئابوورى و وارێن وه‌به‌رهێنانێ گۆتوبێژكرینه‌.د كۆمبوونه‌كێ دا ل گه‌ل شێخ ته‌میم بن حه‌مه‌د ئالسانیدا، گۆتوبێژ ده‌رباره‌یى دووماهى گوهۆرین و پێشهاتێن عیراقێ ب تایبه‌تی بزاڤێن پێكئینانا كابینا نوو و گه‌شه‌پێدانا په‌یوه‌ندیێن قه‌ته‌رێ ل گه‌ل عیراقێ و هه‌رێما كوردستانێ هاتنه‌ كرن.هه‌روه‌سا د كۆمبوونێدا ل گه‌ل، شێخ خالد بن خەلیفە ئالسانی، سەرۆک وەزیرێن قەتەرێ، به‌حسێ ره‌وشا گشتییا عێراقێ و ده‌ڤه‌رێ و گه‌شه‌كرنا په‌یوه‌ندیێن قه‌ته‌رێ ل گه‌ل عیراق و هه‌رێما كوردستانێ هاته‌ كرن.هه‌ردو ئالی د هه‌ڤرا بوون ل سه‌ر ب هێزكرنا په‌یوه‌ندییان، ب تایبه‌تى د وارێن بازرگانى و چاندن و گه‌شتوگوزارێ و وه‌به‌رهێنانێ دا.