نووچه
سەرۆک بارزانی پێشوازی ل بالیۆزێ کەنەدا ل عیراقێ كر 
سەرۆك مەسعود بارزانی، ئه‌ڤرۆ سێشەمبی” 8 ی ئادارا 2022 ێ” ل سەلاحەدین پێشوازی ل گریگۆری گالیگان، بالیۆزێ کەنەدا ل عیراقێ و شاندێ ل گه‌ل دا كر. د دیداره‌كێ دا ره‌وشا سیاسی یا عیراقێ و گرفتێن ل هه‌مبه‌ر پڕۆسا سیاسی یا عیراقێ و پێنگاڤێن دەستووری یێن پێکئینانا حکومەتا نوو یا عیراقێ گوتۆبێژ کرن.بالیۆزێ کەنەدا دووپاتی ل گرنگییا پێگەهێ ھەرێما کوردستانێ کر و دیار كر، وه‌لاتێ وی پێزانین ل سه‌ر قوربانیدانا گەلێ کوردستانێ ل شەرێ داعشێ و پاراستنا پێکڤە ژیانا ئایینی و نەتەوەیی ل کوردستانێ ھەنە و ئامادەییا وه‌لاتێ خۆ بۆ پێشخستنا پەیوەندییان د بیاڤێن ئابووری و زانستی و ئەکادیمی نیشان دا. سەرۆک بارزانی سوپاسییا رۆلێ کەنەدا د هاریكاریێن پێشمەرگەیی و پشته‌ڤانیكرنا گەلێ کوردستانێ د رۆژانێن تەنگاڤ دا کر.
