دووپاتیێ ل پاراستنا كه‌لتوورێ پێكڤه‌ژیانێ د ناڤبه‌را هه‌موو پێكهاته‌یان دا دكه‌ین

سه‌رۆكێ هه‌رێما كوردستانێ، نێچیرڤان بارزانی ب هه‌لكه‌فتا جه‌ژنا قیامه‌ پیرۆزباهیان د په‌یاما خوه‌ یا پیرۆزباهیێ دا دبێژیت، هاتنا جه‌ژنا قیامه‌ یا حه‌زره‌تێ مه‌سیح (سلاڤێن خودێ لێ بن) ب گه‌رمی و ژدل ل هه‌موو خوشك و برایێن مه‌سیحی ل كوردستانێ، ئیراقێ و جیهانێ پیرۆز دكه‌م، هیڤیدارم جه‌ژن ل گه‌ل خوه‌ دا خوه‌شیێ و به‌خته‌وه‌ریێ بینیت، سه‌قامگیری و ئاشتی بال ب سه‌ر مرۆڤایه‌تیێ دا بكێشیت و هه‌موو جه‌ژن و بێهنڤه‌دانه‌كا ئارام بكه‌ن. ب ڤێ هه‌لكه‌فتێ دووپاتیێ ل پاراستنا كه‌لتوورێ پێكڤه‌ژیانێ و هه‌ڤدوقبوولكرنێ و لێبۆرینێ د ناڤبه‌را هه‌موو پێكهاته‌یێن ئایینی و نه‌ته‌وی یێن كوردستانێ و ئیراقێ دكه‌ین كو دیرۆكه‌كا هه‌ڤپشك مه‌ پێكڤه‌ گرێدده‌ت. ب رێز ڤه‌ سه‌حدكه‌ینه‌ رۆل و پێگه‌هێ خوشك و برایێن مه‌سیحی كو وه‌كو پێكهاته‌كێ دێرین و ره‌سه‌نێ جڤاكێ كوردستانێ و ئیراقێ ب درێژاهیا دیرۆكێ پشكداریه‌كا كارا د ئاڤه‌دانكرن و پاراستن و به‌ر ب پێشڤه‌برنا وه‌لاتی دا هه‌یه‌، هیڤیدارین جه‌ژن و هه‌لكه‌فتێن داهاتی د ره‌وشه‌كا باشتر دا بگێرن و ئه‌م هه‌موو ب هه‌موو پێكهاته‌ڤه‌، ده‌ست دناڤ ده‌ستی دا، ته‌با و ئێكرێز، ب به‌رپرسیاره‌تیا هه‌ڤپشك، پێكڤه‌ ژ پێخه‌مه‌ت نوكه‌ پاشه‌رۆژه‌كا باشتر دا بۆ گه‌ل ووه‌لاتێ خوه‌ كاربكه‌ین و ب هیڤی و ئومێدڤه‌ سه‌حكه‌ینه‌ پاشه‌رۆژێ.FacebookTwitterPrint