نامێن (TNT) كری……؟!
كوڤان حسێن
گوهورین بتنێ ئەو نینن ل هندەك سێكتەران دا رویبدەن، بەلكو نوكە ل هەمی وار و دەراڤەكێدا ئەنجامێ گوهورینێ دیار بوینە. روسیا ب هەمی مەزنیا خوەڤە توشی سەرگێژیەك مەزن بوو، وەختا شەرەك ئاشكرا و (تەقلیدی) دژی ئوكرانیا كری، ددەمەكێدا شەر لڤی سەردەمی ب (وەكالەت) دهێنەكرنێ. ئەڤە ئوكرانی یێ شەرێ ل شوینا ناتویێ دكەن ب وەكالەت و ئاشكرا. هەمی شەرێن نوكە دبن، بۆ هندەكێن دی رەنگە بهێنەكرن یان نەراستەوخوە د قازانجا هندەكێن دیدا تەمام دبیت.
ئەو شەرێ پەكەكە دكەت، كی نابێژیت د بنەكووكا خودا دبیت د قازانجا هندەكێن دی دابیت؟ نەمازە وەختا مەودا خویا درست ڤالا هێلای؟! كێ دبێژیت ئەو موشەكێن دگەهن هەولێرێ و پری پەیام نینن و بناڤ و نیشانێن گەلەكا ئیمزار كری نینن, دبیت ئەوێن وان پەیامێت بڤی رەنگی رەوانە دكەن، ناڤێ خوە نەبێژن لێ ئاشكرا بۆ یێ هنارتی خەلەت نابن دگەهینن ئارمانجێ.
هیرك وەختا مرۆڤ ل سەروبەندا ڤی دەمی دنێریت، ژ راستی دیار دبیت هەمی شەر ئەو نینن مرۆڤ بۆ خوە بكەتن. دێ بینی پاشی رەنگە مرۆڤ پالێ ئێكی بیت و بێیكو بزانیت و ئاگری ل دانگا خوە هلدكەت، بناڤێ خوە بخوە لێ دبنەكوكدا دژی خویە, یادیار بتنێ ئالیێ كوردی تا نوكە كەس نینە ب وەكالەت شەری بۆ بكەتن، قەدەرا مەیە ئەم بخوە شەرێ ئێكو دوو و شەرێ داگیركەران ژی بخوە بكەین. ددەمەكێدا د شیاندایە ب پارە بیت، ب گڤاشتن بیت، هەبن ل شینا مەژی شەری بكەن.
شەركرنێ نوكە بازارێ خو هەیە و بورصا خو هەیە, ئەڤە شەرێ داعشێ بوو ژ هەمی رەگەز و ناسنامە بەشداری شەری بوون، ل هەردوو ئالیان و ئەڤە شەرێ ئوكرانیا ژ هەمی جیهانێ خەلك چویە شەری، هندەك ب پارە و هندەك ژی ب ئایدولوژییەتا تایبەتا خوە. شەر نوكە بۆ خوە ل پێناسەكا دی دگەریت. شەرێن تەقلیدی ب بریار ناهێنەكرنێ هەتا توخمێ مروڤان بەردەوام بیت، لێ شەرێن ب وەكالەت پری ڤێ جیهانێ نە، چەندا سەیری چەكدارێن سوری تاوانەكا مەزنا كوشتنێ ل ئەفریكا ناڤەراست ئەنجام دایە، بو كێ بەرامبەری و جی؟ ئەڤە خوەرسكێ ڤی دەمی دیار دكەتن، كو هێدی وەك بورصا پارا بورصا شەران ژی هەیە، تەخمین و بودجە و قەبارێ زیانێ ژی وەك هەر تشتەك دی دهێتە خەملاندن و دەم و جهو وەختێ پێتڤە بۆ ئەنجامدانێ ب ملیم و سەنتا دهێتە كرن.
ڤی شەری نە دەستپێكێن بەر ئاقل هەنە و نەژی ئەنجامێن پێدڤی هەنە، بتنێ (عەبەسە) دڤالەهیا وەختی و رەوشتیدا ب ئەنجام دگەهیت و كی دبێژیت ئەم هەمی نە سەربازێن راسپاردینە بۆ لایەنەكێ، نە ل هزرو بیرا مەژی بیت و پێشڤە جرێ و دلمانێ دكەین….
