به‌رپرسێ لقێ هه‌شتێ پارتى ته‌كه‌ز ل خزمه‌تكرنا وه‌لاتیان و نه‌هێلانا روتینێ كر
به رێز عه‌لى عه‌ونى ئه‌ندامێ سه‌ركردایه‌تیێ و به‌رپرسێ لقێ هه‌شتێ پارتى دیموكراتى كوردستان، ب ئاماده‌بوونا هه‌ر ئێك ژ مشیر محه‌مه‌د به‌شیر قایمقامێ قه‌زایا زاخو و فه‌رهاد مه‌حموود قایممقامێ قه‌زایا باتیفا، دگه‌ل هه‌ژماره‌كا رێڤه‌به‌رێن سازیێن حكومى ل سه‌ر ئاستێ ئیداره‌یا سه‌ربه‌خویا زاخو كومبوون، د وێ كومبوونێ دا عه‌لى عه‌ونى رونكرنه‌ك دا ل سه‌ر ره‌وشا سیاسیا هه‌رێما كوردستانێ و عیراقێ و نویترین پێشهات و گوهورینێن دئێنه پێش و رویدانێن دوهى و هه‌ولێن پێكئینانا حكومه‌تا عیراقێ و گرنگیا ئێكرێزیا ناڤمالا كوردى ژى ب ته‌سه‌لى به‌حس كرن، هه‌روه‌سا ئه‌ندامێ سه‌ركردایه‌تیا پارتى ب گرنگى به‌حسێ سه‌ره‌دانێن سه‌روكێ حكمه‌تا هه‌رێما كوردستانێ یێن ڤێ دوماهیێ و كر و ل سه‌ر ئاستێ دیبلوماسى و سه‌ركه‌فتنێن وان سه‌ره‌دانان بو پرسا كوردى ل سه‌ر ئاستێ جیهانێ و ده‌ڤه‌رێ بلند نرخاند، هه‌روه‌سا د ته‌وه‌ره‌كێ دیتر دا به‌رپرسێ لقێ هه‌شتێ پارتى ته‌كه‌ز ل خزمه‌تكرنا وه‌لاتیان و نه‌هێلانا روتینێ كر ژ پێخه‌مه‌ت خزمه‌تكرنا ژ هه‌ژى بو وه‌لاتیێن خوشتڤى
