نووچه
شاره‌زایه‌كێ سه‌قاناسیێ گوت، ل حه‌فتیا داهاتى پێله‌كا باران بارینێ دێ هه‌رێما كوردستانێ ڤه‌گریت
ل پتریا ده‌ڤه‌رێن هه‌رێما كوردستانێ باران بارین ل ئه‌ڤى وه‌رزى نه‌گه‌هشتیه ئاستێ بارینا هه‌مان رێكه‌فت ل وه‌رزێ باران بارینان ل سالا بوورى، رێڤه‌به‌رێ كه‌شناسیا سلێمانیێ دبێژیت، ئه‌ڤێ حه‌فتیێ ژى باران نابارن، سه‌قاناسه‌ك ژى به‌حس ل هندێ دكه‌ت كو ل ده‌ستپێكا حه‌فتیا داهاتى پێله‌كا باران بارینێ دێ هه‌رێما كوردستانێ ڤه‌گریت، ئاسو كه‌مال شاره‌زایێ سه‌قاناسیێ گوت، ئه‌ڤێ حه‌فتیێ ژى باران بارین نینه و پله‌یێن گه‌رمێ دێ جێگیربن و پتریا ده‌ما دێ ئه‌سمان ساهیى بیت، ئاراس جه‌مال شاره‌زایێ سه‌قاناسیێ دیاركر ژى، رۆژا ئێك شه‌مبیا داهاتى پێله‌كا باران بارینێ دێ هه‌رێما كوردستانێ ڤه‌گریت و ئه‌ڤ پێله دێ گه‌له‌ك یا باشبیت و وه‌كو یا به‌رێ نابیت و بتمامى دێ هه‌رێما كوردستانێ ڤه‌گریت و چه‌ند رۆژه‌كان ژى دێ به‌رده‌وام بیت
