نێچیرڤان بارزانى راگه‌هاند، نابیت وه‌كو نها ل عیراقێ ده‌ستوور بهێته پشتگوه ئێخستن، به‌لكو پێدڤییه ب تمامى بێته جێبه‌جێكرن
سه‌رۆكێ هه‌رێما كوردستانێ راگه‌هاند، نابیت وه‌كو نها ل عیراقێ ده‌ستوور بهێته پشتگوه ئێخستن، به‌لكو پێدڤییه ب تمامى بێته جێبه‌جێكرن و گوت ژى، هێڤیدارین د ده‌مه‌كێ نێزیك دا به‌ندێن رێككه‌فتنا پێكئینانا حكومه‌تێ بێنه جێبه‌جێكرن، نێچیرڤان بارزانى د رێوره سمێن بیره‌وه‌ریا شه‌هیدبوونا سه‌رۆكێ به‌رێ یێ جڤاتا بالا یا ئیسلامیا عیراقێ محه‌مه‌د باقر ئه‌لحه‌كیم داو د گوتاره‌كێ دا راگه‌هاند، ده‌ستوور گرێبه‌سته‌كا سیاسى و كومه‌لایه‌تیه دناڤبه‌را هه‌مى پێكهاته‌یێن عیراقێ دا و نابیت بێته پشتگوه ئێخستن به‌لكو پێدڤیه ب تمامى بێته جێبه‌جێكرن داكو خه‌لك خوه ژ پروسێسا سیاسى یا عیراقێ دویر نه بینن و ئاماژه بوێ چه‌ندێ ژى كر، ئه‌م ل هه‌رێما كوردستانێ ژ روانگه‌ها جێبه‌جێكرنا دستوورى ڤه و هه‌روه‌سا لسه‌ر پێكئینانا حكومه‌تا فیدرالى پشته‌ڤانیێ ل محه‌مه‌د شیاع ئه‌لسودانى سه‌رۆك وه‌زیران دوپات دكه‌ین و هیڤیدارین د ئاینده‌كێ نێزیك دا به‌ندێن رێككه‌فتنا پێكئینانا حكومه‌تێ بێنه جێبه‌جێكرن
