نووچه
سه‌رۆكێ حكومه‌تێ گوت، گوپیتكا جیهانى یا حكومه‌تان دێ بیته ده‌لیڤه‌یه‌ك بو هه‌ڤبه‌شیكرنا ئه‌زموون و به‌ره‌ف پێشچوونا كوردستانێ
مه‌سروور بارزانى سه‌رۆكێ حكومه‌تا هه‌رێما كوردستانێ ئه‌ڤرو رۆژا ئێكشه‌مبیێ ب سه‌رۆكایه‌تیا شانده‌كێ حكومى گه‌هشته وه‌لاتێ ئیماراتێ بو به‌شداریكرنا د گوپیتكا جیهانى یا حكومه‌تان دا ل باژارێ دوبه‌یى كو لرۆژێن سێزده و پازده‌یى شووباتێ دێ ل وى وه‌لاتى برێڤه‌چیت، سه‌رۆكێ حكومه‌تێ د په‌راوێزا گوپیتكێ دا، چه‌ندین دیدار و كومبوون دێ دگه‌ل به‌رپرس و ده‌سه‌لاتدار و بیرمه‌ند و خودانكارێن عه‌ره‌بى و هه‌رێمى و جیهانى هه‌بیت، گوپیتكا جیهانى یا حكومه‌تان، سالانه ل دوبه‌ى دئێته ئه‌نجام دان و ئه‌ڤ ساله زێده‌ترى بیست سه‌رۆك و سه‌رۆك كومار و سه‌رۆك وه‌زیر و دووسه‌د و پێنجى وه‌زیر و ب هه‌زاران به‌رپرسێن حكومى تێدا به‌شدارن
