مه‌سروور بارزانى، ل باژارێ دوبه‌یى ل وه‌لاتێ ئیماراتێ، دگه‌ل شێخ محه‌مه‌د بن راشد ئه‌لمه‌كتوم كومبوو
مه‌سروور بارزانى سه‌رۆكێ حكومه‌تا هه‌رێما كوردستانێ ل باژارێ دوبه‌یى ل وه‌لاتێ ئیماراتێ، دگه‌ل شێخ محه‌مه‌د بن راشد ئه‌لمه‌كتوم، جێگرێ سه‌رۆكێ ده‌وله‌تا ئیماراتێ و سه‌رۆكێ جڤاتا وه‌زیران و حاكمێ میرنشینا دوبه‌ى كومبوو، لدویڤ راگه‌هاندنا حكومه‌تا هه‌رێما كوردستانێ، دكومبوونێ دا كو شێخ حه‌مدان بن محه‌مه‌د بن راشد جهنشینێ دوبه‌ى و ژماره‌یه‌كا دیتر ژ به‌رپرسێن بلندێن ئیماراتێ ئاماده‌بوون و ئاماژه بهندێ ژى كرن، سه‌رۆكێ حكومه‌تا هه‌رێمێ سوپاسیا پشته‌ڤاینا به‌رده‌وام یا ده‌وله‌تا ئیمارتێ د چاكسازیێن حكومه‌تا هه‌رێما كوردستانێ دا كر و، ب تایبه‌تى د بوارێن ئالوگور كرنا بازرگانى و وه‌به‌رهێنانێ دا، ژلایێ خوه‌ڤه ژى شێخ محه‌مه‌د بن راشد، خوشحالیا خوه بو سه‌ره‌دانا شاندێ هه‌رێما كوردستانێ ده‌برى و خواستا گرنگیپێدانا په‌یوه‌ندیێن دوولایه‌نێن د هه‌مى بواران دا دووپاتكر
