نێچیرڤان بارزانى سه‌رۆكێ هه‌رێما كوردستانێ، سه‌ره‌دانا كونسولخانه‌یا توركیا ل هه‌ولێرێ كر

سه‌رۆكێ هه‌رێما كوردستانێ سه‌ره‌دانا كونسولخانه‌یا توركیا ل هه‌ولێرێ كر و هه‌ڤخه‌میا خوه‌ بو قوربانیێن ئه‌ردهه‌ژا شه‌شى شوباتێ ئه‌وا ل باكوورێ كوردستانێ و توركیا ده‌ربرى، نێچیرڤان بارزانى سه‌رۆكێ هه‌رێما كوردستانێ، ب مه‌ره‌ما ده‌ربرینا هه‌ڤخه‌میا خوه‌ سه‌ره‌دانا كونسولخانه‌یا توركیا ل باژارێ هه‌ولێرێ كر و په‌یاما هه‌ڤخه‌مییا خوه‌ دناڤا تومارا تایبه‌ت یا كونسولخانه‌یێ دا نڤیسى، چه‌ند ده‌مژمێره‌كێن كێم پشتى ئه‌ردهه‌ژا شه‌شى شوباتێ یا ده‌ه پارێزگه‌هێن باكوورێ كوردستانێ و توركیا و ژماره‌یه‌ك باژار و باژارۆكێن رۆژئاڤایێ كوردستانێ و سووریا ڤه‌گرتبوو، نێچیرڤان بارزانى سه‌رۆكێ هه‌رێما كوردستانێ په‌یامه‌كا سه‌ره‌خوه‌شیێ د هه‌ژمارا خوه‌ یا ل سه‌ر تورا جڤاكیا تویته‌رى به‌لاڤكر و راگه‌هاند، بیر و هزر و دعایێن من لده‌ف وان كه‌سانن كو ژ ئه‌گه‌رێ ئه‌ردهه‌ژێ زیان ب وان كه‌فتینه‌ و سه‌ره‌خوه‌شیێن خوه‌ ئاراسته‌یى كه‌سوكارێن قوربانیان دكه‌م و هیڤیا زوى باشبوونێ بو برینداران دخوازم