ئه‌ڤرۆ سال رۆژا سه‌رهلدانا باژێرێ زاخویه
سێزده‌یى مه‌ها ئادارێ رۆژه‌كا مێژوویى و گرنگه د دیرۆكا گه‌لێ كوردستانێ دا نه‌خاسمه بۆ خه‌لكێ ده‌ڤه‌را زاخۆ، د ڤێ رۆژێ دا خه‌لكێ ده‌ڤه‌را زاخۆ بخورت و لاو پێر ڤه ب پالپشتیا هێزێن پێشمه‌رگان و پارتى دیموكراتى كوردستان شاین ب زه‌ند و باسكێن خوه پاشماوێن رژێما به‌عس رابمالن و ڤى باژێرێ جوان ستراتیژى ژ دوژمنى پاك بكن، سه‌رهلدانا زاخۆ ره‌نگ و ده‌نگڤه‌دانه‌كا ئێكجار مه‌زن هه‌بوو خه‌لكێً ڤێ ده‌ڤه‌رێ گه‌له‌ك ب مه‌ردانه و ب جامێرى سه‌ره‌ده‌رى د گه‌ل دیل و پاشماوێن وى سه‌رده‌مى كرن، هه‌روه‌ها دام و ده‌زگه‌هێن حكومه‌تێ ژى پاراستن و ئه‌ڤ چه‌نده ژهات پشتى سه‌رۆك بارزانى رێنمایێن تایبه‌ت یێن سه‌رهلدانێ به‌لاڤكرین و لێبوورینا گشتى بۆ وان كه‌سان ده‌ر ئێخستنى ئه‌وێن كو ده‌ست دگه‌ل رژێمێ هه‌ین ، سه‌رهلدان بۆ هێڤینێ ئارامى و ته‌ناهى و ئاڤه‌دانى و خوه‌رێڤه‌برنێ ئه‌ڤرۆ ژى ب بورینا سیه و دوو سالان لسه‌ر سه‌رهلدانا زاخۆ باشترین دیاریا به‌رهه‌مێ سه‌رهلدانێ ئیداره‌بوونا زاخۆ بوو ژبه‌رهه‌مێن سه‌رهلدانێ یێن هه‌رى گرنگ د وارێن خاندنا بلند و په‌روه‌رده و ساخله‌مى و خزمه‌تگوزاریێن گشتى و ژلایێ سه‌ربازى ژى ڤه زاخۆ خودان ئه‌كادیمیه‌كا له‌شكه‌رى یه بۆ پێگه‌هاندنا سه‌ربازێن وه‌لات پارێز داكو هه‌رده‌م به‌رهه‌مێن سه‌رهلدانێ ب زانستێن خویێن سه‌ربازى د ناڤ رێزێن پێشمه‌رگاندا ب پارزیتن و هه‌رده‌م پارێزڤانیێ ل كه‌س و كارێن وان خوه‌شمێران بكه‌تن یێن كو جانێ خوه داین بۆ ئازادیا ئه‌ڤرۆ و شه‌هیدبووین
