راستڤه‌كرنا یاسایا هه‌لبژارتنێن جڤاتا پارێزگه‌هان خالێن زۆرباش بو كوردان تێدا هه‌نه‌

دكتور شاخه‌وان عه‌بدۆللا جێگرێ سه‌رۆكێ په‌رله‌مانێ عیراقێ راگه‌هاند، راستڤه‌كرنا یاسایا هه‌لبژارتنێن جڤاتا پارێزگه‌هان خالێن زۆرباش بو كوردان تێدا هه‌نه‌ و، ئه‌و داخوازیێن كو مه‌ هه‌بوون تێدا هاتینه‌ جێگیركرن و هه‌مى ئه‌و وه‌لاتیێن ئیناینه‌ كه‌ركووكێ ب ئارمانجا سیاسه‌تا ب عه‌ربكرنێ ناڤێن وان هاتیه‌ ژێبرن و مافێ ده‌نگدانێ نین ل وێ پارێزگه‌هێ و ناڤبرى گوت ژى، بشێوه‌یه‌كێ هه‌مى رێگریێن به‌رامبه‌ر ئه‌نجامدانا هه‌لبژارتنێن جڤاتا پارێزگه‌ها كه‌ركووكێ هاتینه‌ لادان بو ئێكه‌م جاره‌ پشتى سالا دوو هه‌زار و سێ سه‌رژمێرییا سالا هه‌زار و نه‌هسه‌د و پێنجى و حه‌فتێ دبیته‌ بنه‌ما بو ده‌ستنیشانكرنا وه‌لاتیێن كه‌ركووكێ و جێگرێ سه‌رۆكێ په‌رله‌مانى گوت ژى، بو ئێكه‌م جاره‌ د بابه‌تێ دابه‌شكرنا پوستان دا سیه و دوو ژ سه‌دێ هاتیه‌ هه‌لگرتن و لدویڤ یاسایێ ئه‌و ده‌سه‌لاتا مه‌ ژ سه‌رۆك وه‌زیران وه‌رگرتییه‌ كو بشێت هه‌لبژارتنان ل پارێزگه‌هه‌كێ پاشبێخت كو ئه‌ڤه‌ ئارمانجا خه‌لكه‌كى بوو