هێمن هه‌ورامى راگه‌هاند، دئه‌ڤ ساله دا پێدڤیه هه‌ر هه‌لبژارتن بێنه ئه‌نجام دان ژبه‌ر كو ئه‌ڤه داخوازیا هه‌مى خه‌لكى یه
هێمن هه‌ورامى جێگرێ سه‌رۆكێ په‌رله‌مانێ كوردستانێ د كونگره‌یه‌كێ رۆژنامه‌ڤانى دا راگه‌هاند، دیاركرنا رۆژ و ده‌مێ هه‌لبژارتنان ژلایێ سه‌رۆكى َهه‌رێما كوردستانێ ڤه جێبه‌جێكرن و پابه‌ندبوونا یاسایێ یه و پێنگاڤه‌كا گه‌له‌كا گرنگه به‌لێ ئه‌ڤه نیڤا رێكێ یه و نیڤا دیتر یا رێكێ د گوره‌پانا په‌رله‌مانێ كوردستانێ و لایه‌نێن سیاسى دایه و، بابه‌تێ هه‌لبژارتنان بابه‌ته‌كێ هه‌ستیاره بۆ هه‌مى خه‌لكێ كوردستانێ و پابه‌ندبوونه‌كا یاساییه ژ به‌ر هندێ بتنێ فراكسیون ل په‌رله‌مانى نه‌شێن ب ڤى كارى رابن به‌لكو پێدڤیه لایه‌نێن سیاسیى ژى پشته‌ڤانیا فراكسیونان بكن ل په‌رله‌مانێ كوردستانێ بو وێ چه‌ندێ داكو لێك نێزیكبوون هه‌بت و ناڤبرى ئاماژه ب وێ چه‌ندێ ژى كر، دئه‌ڤ ساله دا پێدڤیه هه‌ر هه‌لبژارتن بێنه ئه‌نجام دان ژبه‌ر كو ئه‌ڤه داخوازیا هه‌مى خه‌لكێ هه‌رێما كوردستانێ یه و ئه‌م وه‌سا دبینن كو ئه‌نجامدانا هه‌لبژارتنان پێدڤیه‌كا ژیانى و سیاسیى و یاساییه به‌حس كرن ژ ئه‌نجام نه‌دانا هه‌لبژارتنان دنهادا ئارمانج ژێ نه‌هێلانا قه‌وره‌یێ ده‌ستووریێ هه‌رێما كوردستنانێ یه
