مه‌سروور بارزانى، پێشوازى ل باربارا لیف، هاریكارا وه‌زیرێ ده‌رڤه‌یێ ئه‌مریكا بۆ كاروبارێن رۆژهه‌لاتا ناڤه‌راست كر
مه‌سروور بارزانى سه‌رۆكێ حكومه‌تا هه‌رێما كوردستانێ، پێشوازى ل باربارا لیف، هاریكارا وه‌زیرێ ده‌رڤه‌یێ ئه‌مریكا بۆ كاروبارێن رۆژهه‌لاتا ناڤه‌راست و شاندێ دگه‌ل دا كر، د كومبوونه‌كێ دا كو ئه‌لینا رۆ ماناوسكى، بالیوزا ئه‌مریكا ل عیراقێ و ئیرڤن هیكس كونسولێ گشتیێ ئه‌مریكا ل هه‌رێما كوردستانێ ئاماده‌بوون، دوماهى پێشهات و پێشڤه‌چوونێن عیراقێ و په‌ره‌پێدانا په‌یوه‌ندیێن دۆستانه‌یێن دناڤبه‌را هه‌رێما كوردستانێ و ئه‌مریكا دا گوتوبێژكرن، هه‌روه‌سا ته‌وه‌ره‌كێ دیتر یێ كومبوونێ تایبه‌ت بوو ب چاره‌سه‌ركرنا كێشه‌یێن د ناڤبه‌را هه‌رێما كوردستانێ و حكومه‌تا فیدرال و هه‌ردوولا هه‌ڤڕابوون ل سه‌ر وێ چه‌ندێ كو پێدڤییه ب زویترین ده‌م رێككه‌فتنا دناڤبه‌را هه‌رێمێ و حكومه‌تا فیدرال یا تایبه‌ت ب نه‌فتێ بێته جێبه‌جێكرن داكو ئێدى وه‌لاتیێن هه‌رێما كوردستانێ و عیراقێ بگشتى زیانمه‌ند نه‌بن
