مشیر محه‌مه‌د هاتن و چوون ل ده‌روازه‌یێ ئیبراهیم خه‌لیل ئاساییه و چو بریاره‌كا توركیا بۆ دائێخستنێ ژبه‌ر هه‌لبژارتنان نه‌گه‌هشتیه
مشیر محه‌مه‌د به‌شیر قایمقامێ قه‌زایا ناڤه‌ندیا زاخۆ راگه‌هاند، هاتن و چوون ل ده‌روازه‌یێ ئیبراهیم خه‌لیل ئاساییه و چو بریاره‌كا توركیا بۆ دائێخستنا ده‌روازه‌یێ ناڤبرى ژبه‌رى هه‌لبژارتنان نه‌گه‌هشتیه وان و، ده‌رباره‌یى به‌لاڤبوونا نووچه‌یێن هه‌بوونا قه‌ره‌بالغیێ و ئاسته‌نگان بۆ ڤه‌گه‌ریانا هه‌ڤنیشتیمانیێن باكوورێ كوردستانێ، قایمقامێ زاخۆ گوت، گه‌له‌ك جاران ژماره‌یه‌كا زۆر دئێنه ده‌روازه‌یى و مامه‌له‌یێن وان یێن یاسایى ده‌مه‌كێ زۆر بۆ دڤێت، ژبه‌ر ڤێ چه‌ندێ قه‌ره‌بالغى دروست دبیت، هه‌روه‌سا لده‌مێ گروپێن گه‌شتیارى ژى دگه‌هن دبیته قه‌ربالغى، ژبلى ڤان چو ئه‌گه‌ره‌كێ دیتر بۆ درۆست بوونا قه‌ره‌بالغێ نینه، بتایبه‌ت ئه‌وا كو دبێژن هه‌لبژارتن ئه‌گه‌ربیت، دئێته زانین لده‌روازه‌یێ نێڤده‌وله‌تیێ ئیبراهیم خه‌لیل مه‌زنترین ده‌روازه‌یێ بازرگانیێ دناڤبه‌را هه‌رێما كوردستان و توركیادایه و، بریاره سۆباهى ده‌نگدان بۆ هه‌لبژارتنان سه‌رۆك كومار و په‌رله‌مانێ توركیا ل باكوورێ كوردستانێ و وى وه‌لاتى برێڤه بچن
